Парламенцкія выбары ў Беларусі

13 ліпеня, Мінск /Кар. БЕЛТА/. Цэнтральная камісія Беларусі па выбарах і правядзенні рэспубліканскіх рэферэндумаў акрэдытавала 240 нацыянальных наглядальнікаў на выбары дэпутатаў Палаты прадстаўнікоў Нацыянальнага сходу Беларусі шостага склікання. Такія звесткі размешчаны на афіцыйным сайце ЦВК, паведамляе БЕЛТА.

Ад палітычных партый акрэдытаваны 21 чалавек, ад грамадскіх аб'яднанняў - 204. У прыватнасці, ад РГА "Белая Русь" змогуць назіраць за выбарамі 42 прадстаўнікі, БРСМ - 33, Беларускага Хельсінкскага камітэта - 46, Федэрацыі прафсаюзаў Беларусі - 23.

Яшчэ 15 грамадзян акрэдытаваліся ў якасці наглядальнікаў шляхам падачы адпаведных заяў.