Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Парламенцкія выбары-2019

Парламенцкія выбары ў Беларусі

15 Nov 2019

Лебедзеў: у місіі СНД станоўчае ўражанне ад ходу датэрміновага галасавання ў Беларусі

Лебедзеў: у місіі СНД станоўчае ўражанне ад ходу датэрміновага галасавання ў Беларусі

15 лістапада, Фаніпаль /Кар. БЕЛТА/. У місіі наглядальнікаў ад СНД станоўчае ўражанне ад ходу датэрміновага галасавання на выбарах у Палату прадстаўнікоў сёмага склікання. Аб гэтым сёння журналістам паведаміў кіраўнік місіі Сяргей Лебедзеў, перадае карэспандэнт БЕЛТА.

У Беларусі знаходзяцца доўгатэрміновыя наглядальнікі з васьмі краін СНД. Усяго ў складзе місіі Садружнасці 475 чалавек, якія назіраюць за датэрміновым галасаваннем у розных рэгіёнах краіны. Так, Сяргей Лебедзеў наведаў выбарчыя ўчасткі, размешчаныя на тэрыторыі сярэдняй школы нумар 1 Фаніпаля. "Па выніках сустрэч з членамі ўчастковых выбарчых камісій, наглядальнікамі, самімі выбаршчыкамі ў нас складваецца станоўчае ўражанне ад ходу датэрміновага галасавання", - сказаў ён, адказваючы на пытанні журналістаў.

Сяргей Лебедзеў адзначыў добрае афармленне выбарчых участкаў: наглядная агітацыя, інфармацыйныя матэрыялы, якія наглядальнікам прадастаўляюцца ў поўным аб'ёме. "Мы ні ад каго не пачулі заўваг, нараканняў у адрас выбарчых камісій", - дадаў ён.

Кіраўнік місіі выказаў надзею, што выбарчая кампанія прадоўжыцца ў такім жа ключы. Самае галоўнае, перакананы Сяргей Лебедзеў, каб выбары, якія ў Беларусі праходзяць на канкурэнтнай аснове, дапамаглі прайсці ў парламент дастойным дэпутатам.

Датэрміновае галасаванне на парламенцкіх выбарах завяршаецца 16 лістапада. Асноўны дзень галасавання - 17 лістапада.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі