Галоўныя навіны

У Беларусі 2012 год аб'яўлены Годам кнігі

3 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 30 снежня падпісаў указ нумар 618 "Аб аб'яўленні 2012 года Годам кнігі", паведамілі БЕЛТА ў прэс-службе кіраўніка дзяржавы.

Такое рашэнне прынята ў мэтах павышэння ролі кнігі і чытання ў сучасным грамадстве, выхавання ў маладога пакалення любові да мастацкага слова, развіцця айчыннай літаратуры, забеспячэння дзяржаўнай падтрымкі нацыянальнага кнігавыдання.

Кіраўнік дзяржавы даручыў Савету Міністраў зацвердзіць рэспубліканскі план мерапрыемстваў па правядзенню гэтага года.

Аб'яўленне ў Беларусі Года кнігі з'яўляецца пераканаўчым сведчаннем таго, што пытанні захавання духоўнасці грамадства, развіцця беларускай літаратуры і культуры - прадмет асаблівага клопату дзяржавы.

версія для друку

зрабіць стартавай

дабавіць у выбранае