Галоўныя навіны

Рэспубліканскі суботнік праходзіць у Беларусі

Аляксандр Лукашэнка ў час суботніка

25 красавіка, Мінск /Кар. БЕЛТА/. Рэспубліканскі суботнік праходзіць 25 красавіка ў Беларусі, паведамляе БЕЛТА.

Дзяржорганы, мясцовыя ўлады, іншыя арганізацыі праводзяць суботнік на працоўных месцах або добраўпарадкоўваюць гісторыка-культурныя каштоўнасці, тэрыторыі населеных пунктаў, рыхтуюць дзіцячыя аздараўленчыя і спартыўна-аздараўленчыя лагеры да летняга сезона. Удзел у суботніку прымаюць і кіраўнікі дзяржорганаў.

Палавіна заробленых на суботніку сродкаў застаецца ў распараджэнні аблвыканкамаў і Мінгарвыканкама. Яны накіроўваюцца на падрыхтоўку дзіцячых лагераў да лета, добраўпарадкаванне населеных пунктаў, а таксама аднаўленне гісторыка-культурных каштоўнасцей, мемарыяльных комплексаў, мясцін баявой і воінскай славы часоў Вялікай Айчыннай вайны.

Яшчэ 50 працэнтаў сродкаў пералічваецца Міністэрству фінансаў. Гэтыя сродкі ў роўных долях накіроўваюцца Нацыянальнаму мастацкаму музею і Гомельскаму аблвыканкаму для рэканструкцыі брацкага пахавання на месцы спаленай вёскі Ала ў Светлагорскім раёне.

Пры ўдзеле ў суботніку некамерцыйных арганізацый грашовыя сродкі могуць пералічвацца ў памерах, вызначаных добраахвотна іх калектывамі.

версія для друку

зрабіць стартавай

дабавіць у выбранае