Галоўныя навіны

Лукашэнка: Вялікдзень умацоўвае імкненне рабіць добрыя справы і акружаць клопатам родных

7 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў праваслаўных хрысціян краіны са светлым Хрыстовым Уваскрэсеннем. Аб гэтым БЕЛТА паведамілі ў прэс-службе кіраўніка дзяржавы.

"Святы Вялікдзень сімвалізуе перамогу жыцця і аб'ядноўвае людзей, для якіх маральнымі арыенцірамі з'яўляюцца дабрата і міласэрнасць", - гаворыцца ў віншаванні.

Аляксандр Лукашэнка адзначыў, што гэта свята раскрывае сутнасць хрысціянства, напоўненага святлом і любоўю, і знамянуе сабой духоўнае абнаўленне кожнага чалавека, які адкрыў сваё сэрца для веры.

"Асаблівая атмасфера гэтых дзён дорыць прыхаджанам глыбокую, шчырую радасць, умацоўвае імкненне рабіць добрыя справы, акружаць клопатам родных, блізкіх і тых, хто мае патрэбу ў спачуванні і падтрымцы", - сказаў Прэзідэнт.

Віншаванне Прэзідэнта Беларусі з Хрыстовым Уваскрэсеннем

Праваслаўным хрысціянам Беларусі

Дарагія суайчыннікі!

Шчыра віншую вас са светлым Хрыстовым Уваскрэсеннем!

Святы Вялікдзень сімвалізуе перамогу жыцця і аб'ядноўвае людзей, для якіх маральнымі арыенцірамі з'яўляюцца дабрата і міласэрнасць.

Гэта свята раскрывае сутнасць хрысціянства, напоўненага святлом і любоўю, і знамянуе сабой духоўнае абнаўленне кожнага чалавека, які адкрыў сваё сэрца для веры.

Асаблівая атмасфера гэтых дзён дорыць прыхаджанам глыбокую, шчырую радасць, умацоўвае імкненне рабіць добрыя справы, акружаць клопатам родных, блізкіх і тых, хто мае патрэбу ў спачуванні і падтрымцы.

Няхай Вялікдзень прынясе ў вашы дамы і сем'і спакой, дабрабыт і веснавы настрой.

Жадаю вам шчасця, моцнага здароўя і ўзаемаразумення.

Аляксандр Лукашэнка.

версія для друку

зрабіць стартавай

дабавіць у выбранае