Галоўныя навіны

Дакумент на мерапрыемстве, якое адбылося 8-10 чэрвеня ў штаб-кватэры ААН у Нью-Ёрку, зачытаў пастаянны прадстаўнік Беларусі пры ААН Андрэй Дапкюнас.

"Здароўе любой нацыі - гэта залог яе ўстойлівага развіцця і працвітання, - гаворыцца ў звароце. - У сувязі з гэтым пабудова агульнадаступнай і эфектыўнай сістэмы аховы здароўя з'яўляецца важнейшым прыярытэтам дзяржаўнай палітыкі Рэспублікі Беларусь. У апошнія гады дзяржава паслядоўна нарошчвае долю затрат кансалідаванага ВУП на мэты аховы здароўя". Аляксандр Лукашэнка пацвердзіў прыхільнасць краіны да выканання Мэт устойлівага развіцця і, у прыватнасці, мэты "Забеспячэнне здаровага жыцця і садзейнічанне дабрабыту для ўсіх у любым узросце".

Неад'емнай часткай палітыкі Беларусі ў сферы аховы здароўя з'яўляюцца меры, накіраваныя на прадухіленне распаўсюджвання ВІЧ/СНІДу. Пытанні прафілактыкі і лячэння ВІЧ/СНІДу займаюць важнае месца ў дзяржаўнай праграме "Здароўе народа і дэмаграфічная бяспека Рэспублікі Беларусь на 2016-2020 гады".

Фінансаванне мерапрыемстваў па барацьбе з ВІЧ/СНІДам з дзяржаўнага бюджэту за мінулае дзесяцігоддзе павялічана больш як у тры разы. Прэзідэнт Беларусі адзначыў у звароце, што нацыянальныя намаганні ўмацоўваюцца перш за ўсё праз эфектыўнае партнёрства з Глабальным фондам па барацьбе з ВІЧ/СНІДам, туберкулёзам і малярыяй, а таксама з ЮНЭЙДС. "Мы зацікаўлены ў прадаўжэнні нашага ўзаемадзеяння з гэтымі ўстановамі і заклікаем сусветную супольнасць прадоўжыць аказваць ім поўную падтрымку", - сказаў кіраўнік дзяржавы.

Беларусь працуе над задачай зніжэння кошту антырэтравірусных прэпаратаў у мэтах усеагульнага ахопу асоб, якія маюць патрэбу ў лячэнні ВІЧ/СНІДу. Разумеючы выключную важнасць гэтай задачы для краін Усходне-Еўрапейскага рэгіёна і многіх іншых дзяржаў свету, Беларусь сумесна з Глабальным фондам і ЮНЭЙДС плануе правядзенне ў канцы 2016 года тэматычнага міжрэгіянальнага мерапрыемства.

"Апіраючыся на сучасны сусветны вопыт, мы ў сваёй рабоце зыходзім з таго, што ў 21-м стагоддзі эпідэмія ВІЧ - гэта праяўленне сацыяльнага загану, недасканаласці грамадства і недапрацоўкі дзяржавы. Барацьба з дыскрымінацыяй і стыгматызацыяй паўстала для нас у адзін рад з раннім выяўленнем і адраснай работай са слабаабароненымі катэгорыямі насельніцтва. Каб вярнуць хворых людзей да нармальнага жыцця ў грамадскае асяроддзе, мы выкарыстоўваем самыя сучасныя методыкі і падыходы", - гаворыцца ў дакуменце.

"Разам з тым мы ўпэўнены, што меры па барацьбе з распаўсюджваннем ВІЧ/СНІДу могуць быць паспяховымі толькі пры ўсёабдымным міжсектаральным падыходзе. Гэта павінны быць скаардынаваныя дзеянні ўрадавых структур у сферах адукацыі, спорту, сацыяльнай абароны, аховы здароўя, а таксама праваахоўнай сферы. У той жа час важная роля ў гэтым належыць актыўным і сацыяльна адказным грамадскім арганізацыям і дзелавым колам", - адзначыў Аляксандр Лукашэнка ў сваім звароце.

Безумоўны прыярытэт нацыянальнай палітыкі Беларусі - гэта падтрымка сям'і, пабудаванай на традыцыйных каштоўнасцях. Сям'я натуральным чынам перашкаджае распаўсюджванню ВІЧ/СНІДу. Менавіта таму мэтанакіравана падтрымліваецца моладзь у яе імкненні да здаровага сямейнага жыцця.

Беларускі бок заклікаў усе ўрады задумацца над тым, што ў высока канкурэнтным сучасным свеце маладыя людзі павінны ўдзяляць час не толькі адукацыі і прафесійнай дзейнасці. Важна, каб у іх было жаданне і магчымасць стварыць сям'ю. Гэта пытанне і каштоўнасных арыенціраў, і рэальных сацыяльных гарантый.

У Беларусі ўпэўнены, што пакончыць з ВІЧ/СНІДам без адэкватнага адказу на незаконнае распаўсюджванне наркотыкаў немагчыма. Дзяржава павінна быць бязлітасна да вытворцаў і распаўсюджвальнікаў гэтага зелля. Шырокі наплыў танных сінтэтычных наркотыкаў вымушае ўзмацняць меры ў барацьбе з наркатрафікам, і мы ўпэўнены ў іх эфектыўнасці.

Прэзідэнт Беларусі адзначыў неабходнасць аб'яднання рэгіянальных і глабальных намаганняў па барацьбе з ВІЧ/СНІДам пад эгідай ЮНЭЙДС і СААЗ. Партнёрства і салідарнасць урадаў, бізнесу і грамадзянскай супольнасці з'яўляюцца неад'емным складнікам поспеху.

Беларусі бок яшчэ раз заявіў аб імкненні Беларусі ў бліжэйшай перспектыве забяспечыць рэалізацыю стратэгіі ЮНЭЙДС "90 - 90 - 90", а таксама адной з Мэт устойлівага развіцця ААН - пакончыць з эпідэміяй ВІЧ/СНІДу да 2030 года.