Галоўныя навіны

Аляксандр Лукашэнка звярнуў увагу, што Беларусь без усякай помпы праводзіць вучэнні, праверку Узброеных Сіл. "Мы перааснашчаем нашы Узброеныя Сілы, аддаючы прыярытэт мабільнай кампаненце", - сказаў Прэзідэнт.

"Армія павінна быць мабільнай, яна павінна быць пасаджана на мабільную тэхніку", - лічыць кіраўнік дзяржавы.

"Мы робім нашы Узброеныя Сілы больш мабільнымі, каб маглі перакінуць дастатковую колькасць мабільных падрыхтаваных людзей у любую кропку Беларусі", - адзначыў Аляксандр Лукашэнка.

Гаворачы аб прызначэнні войскаў тэрытарыяльнай абароны, кіраўнік дзяржавы адзначыў, што яны павінны выконваць задачы, на якія ў пагражальны перыяд немэтазгодна адцягваць армію. Размова ідзе, напрыклад, аб ахове і абароне такіх аб'ектаў, як электрычныя падстанцыі, хлебазаводы.

Збор са старшынямі аблвыканкамаў і Мінгарвыканкама па тэрытарыяльнай абароне - адна з форм абучэння кіраўнікоў мясцовых выканаўчых і распарадчых органаў. У такім фармаце ён праводзіцца ўпершыню. Збор праходзіць з 17 па 18 лютага пад кіраўніцтвам Мінабароны. Абучэнне ўключае тэарэтычныя і практычныя заняткі. Апошнія будуць праводзіцца на вайсковым стрэльбішчы 120-й асобнай механізаванай брыгады з адпрацоўкай пытанняў арганізацыі агнявой падрыхтоўкі, абсталявання месц размяшчэння асабовага складу ў зімовых умовах, аснашчэння тэрытарыяльных войскаў узбраеннем, сродкамі сувязі, рэчавай і іншай маёмасцю. На завяршэнне заняткаў удзельнікі азнаёмяцца з узорамі ўзбраення і ваеннай тэхнікі, што знаходзяцца на ўзбраенні тэрытарыяльных войскаў, а таксама выканаюць вучэбныя стрэльбы са стралковай зброі.

Аляксандр Лукашэнка заклікаў генерал-губернатараў падысці да ўдзелу ў зборах нефармальна, унікнуць ва ўсе нюансы дзейнасці войскаў тэрытарыяльнай абароны.-