У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Галоўныя навіны

Галоўныя навіны

20 Врс 2017

Лукашэнка назірае за ходам вучэння "Захад-2017" на палігоне Барысаўскі

Лукашэнка назірае за ходам вучэння

20 верасня, Мінск /Кар. БЕЛТА/. Прэзідэнт Беларусі, Галоўнакамандуючы Узброенымі Сіламі Аляксандр Лукашэнка назірае з агляднай пляцоўкі за ходам сумеснага стратэгічнага вучэння Беларусі і Расіі "Захад-2017" на 227-м агульнавайсковым палігоне Барысаўскі, перадае карэспандэнт БЕЛТА.

Аляксандр Лукашэнка пасля прыбыцця на палігон наведаў дапаможны пункт кіравання рэгіянальнай групоўкі войскаў (сіл) Беларусі і Расіі, а таксама дапаможны пункт кіравання 1-й танкавай арміі Заходняй ваеннай акругі Узброеных Сіл Расіі.

Прэзідэнту далажылі аб развіцці ваенна-палітычнай абстаноўкі ў Еўрапейскім рэгіёне і яе ўплыве на забеспячэнне ваеннай бяспекі Саюзнай дзяржавы, аб парадку прымянення арміі, у тым ліку ва ўзаемадзеянні з групоўкай войскаў, дзеючай на паўночна-заходнім аперацыйным напрамку.

Кіраўнік дзяржавы таксама агледзеў рухомы пункт кіравання камандуючага РГВ(с). Гэты браніраваны аўтамабіль айчыннай вытворчасці аснашчаны самымі сучаснымі сродкамі сувязі, якія дазваляюць кіраваць войскамі непасрэдна ў руху.

"Малайцы! За кароткі прамежак часу зрабілі добрую сістэму", - адзначыў кіраўнік дзяржавы.

Лукашэнка назірае за ходам вучэння "Захад-2017" на палігоне БарысаўскіНа палігоне адпрацоўваюцца ўзгодненыя дзеянні разнародных сіл і сродкаў узброеных сіл Беларусі і Расіі па адбіцці наступлення ўмоўнага праціўніка, правядзенні контратакі і далейшым яго разгроме. Самалёты Су-34 і Су-25, верталёты Мі-24 і Мі-28Н наносяць удары па сілах умоўнага праціўніка. Вынікі кантралююць самалёты Су-24МР, а верталёты Мі-8 50-й змешанай авіяцыйнай базы адпрацоўваюць высадку дэсанта.

У ходзе розыгрышу тактычных эпізодаў праходзяць апрабацыю новыя ўзоры ўзбраення і ваеннай тэхнікі абароннага сектара эканомікі Беларусі: лёгкабраніраваныя аўтамабілі "V1" (МЗКЦ), бронетранспарцёр "Кайман", радыёэлектронныя стрэльбы для барацьбы з мультыкоптарамі (ААТ "КБ Радар"), а таксама мадэрнізаваныя танкі Т-72 БМЗ.

На палігоне прысутнічае кіраўніцтва інтэграцыйных структур - Саюзнай дзяржавы, СНД, АДКБ, замежныя наглядальнікі і дыпламаты.

Сумеснае стратэгічнае вучэнне ўзброеных сіл Беларусі і Расіі "Захад-2017"Сумеснае стратэгічнае вучэнне ўзброеных сіл Беларусі і Расіі "Захад-2017" пачалося 14 верасня. На тэрыторыі Беларусі задзейнічаны палігоны Лепельскі, Барысаўскі, Лосвіда, Асіповіцкі, два палігоны ВПС і войскаў ППА - Ружанскі і Даманаўскі, а таксама два ўчасткі мясцовасці ў Віцебскай вобласці - Дрэтунь і Глыбокае. У Расіі яно праходзіць на палігонах Лужскі, Стругі Чырвоныя і Праўдзінскі ў Калінінградскай, Ленінградскай і Пскоўскай абласцях.

Пры вызначэнні задумы вучэння "Захад-2017" улічваліся сучасныя падыходы да прымянення войскаў (сіл) на аснове вопыту сучасных узброеных канфліктаў. У аснову задумы пакладзены варыянт узнікнення крызіснай сітуацыі і нарастання канфлікту, звязаны з узрастаннем актыўнасці незаконных узброеных фарміраванняў, міжнародных сепаратысцкіх і тэрарыстычных арганізацый, якія маюць знешнюю падтрымку. Пры гэтым проціборствуючыя бакі ўмоўна размешчаны ў межах рэальных граніц Беларусі: з аднаго боку - "Паўночныя", якія ўключаюць Саюзную дзяржаву, з другога - "Заходнія" - кааліцыя зацікаўленых дзяржаў.

Колькасць асабовага складу, што ўдзельнічае ў вучэнні, складае каля 12,7 тыс. ваеннаслужачых. Пры гэтым у Беларусі будзе задзейнічана каля 10,2 тыс. чалавек (ад Беларусі - крыху больш за 7 тыс., Расіі - каля 3 тыс.), 370 адзінак бранятанкавай тэхнікі, у тым ліку амаль 140 танкаў. Таксама будзе выкарыстана да 150 адзінак артылерыі і рэактыўных сістэм залпавага агню, больш за 40 самалётаў і верталётаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс