Галоўныя навіны

Лукашэнка: мая пазіцыя застаецца нязменнай - давайце захаваем краіну

15 снежня, Магілёў /Кар. БЕЛТА/. Прэзідэнт Беларусі Аляксандр Лукашэнка перакананы ў неабходнасці захаваць цэласнасць і суверэнітэт краіны. Аб гэтым кіраўнік дзяржавы заявіў у час сустрэчы з калектывам Магілёўскай абласной клінічнай бальніцы, перадае карэспандэнт БЕЛТА.

"Я хачу, каб вы разумелі маю пазіцыю, яна нязменная: давайце жыць дружна, захаваем краіну (а мы яе захаваем, чаго б нам гэта ні каштавала, і не для мяне, і не для яго - гэта ўжо для ўнукаў). І гэта мая галоўная задача. Усё будзеце вырашаць вы. Абяцаю вам: усё будзеце вырашаць вы", - падкрэсліў беларускі лідар.

Прэзідэнт звярнуў увагу, што гэта заява адносіцца таксама і да паправак у Канстытуцыю, якія цяпер рыхтуюцца менавіта з улікам прапаноў і інтарэсаў беларускіх грамадзян.

Аляксандр Лукашэнка адзначыў, што не імкнецца ўтрымаць уладу любой цаной, аднак і здаваць краіну, склаўшы рукі, таксама не збіраецца. "Я нікуды не пабягу, каб вы ведалі. Нікуды, - заявіў ён. - Добра, што час прайшоў, і людзі ўбачылі, хто рваўся да ўлады. Справа не ўва мне. Я часта гавару: я сваё адпрацаваў. Мне шкада, што будзе пасля гэтага (калі да ўлады прыйдуць тыя, хто цяпер у апазіцыі да дзеючага кіраўніцтва. - Заўвага БЕЛТА)".

версія для друку

зрабіць стартавай

дабавіць у выбранае