Галоўныя навіны

Лукашэнка: клопат аб пажылых людзях і ветэранах быў і будзе ў ліку прыярытэтаў сацыяльнай палітыкі Беларусі

1 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў грамадзян старэйшага пакалення з Днём пажылых людзей. Аб гэтым БЕЛТА паведамілі ў прэс-службе кіраўніка дзяржавы.

"Самаадданая праца старэйшых пакаленняў, якія перажылі Вялікую Айчынную вайну і ўзнялі краіну з руін, з'яўляецца фундаментам нашага нацыянальнага багацця. Вы будавалі гарады, узводзілі прамысловыя прадпрыемствы, аднаўлялі сельскую гаспадарку, вучылі дзяцей, здабывалі спартыўныя перамогі, здзяйснялі навуковыя адкрыцці, - гаворыцца ў віншаванні. - Многія з вас і сёння актыўныя і дзейныя: прадаўжаюць працаваць, удзельнічаюць у грамадска-палітычным жыцці, выхоўваюць моладзь, шчодра дзелячыся сваімі мудрасцю і вопытам".

Аляксандр Лукашэнка падкрэсліў, што беларусы заўсёды з павагай ставяцца да старэйшых, таму клопат аб пажылых людзях і ветэранах быў і будзе ў ліку прыярытэтаў сацыяльнай палітыкі рэспублікі.

Віншаванне Прэзідэнта Беларусі з Днём пажылых людзей

Дарагія сябры!

Сардэчна віншую вас з Днём пажылых людзей.

Прыміце самыя шчырыя словы ўдзячнасці за вялікі ўклад у развіццё роднай Беларусі.

Самаадданая праца старэйшых пакаленняў, якія перажылі Вялікую Айчынную вайну і ўзнялі краіну з руін, з'яўляецца фундаментам нашага нацыянальнага багацця. Вы будавалі гарады, узводзілі прамысловыя прадпрыемствы, аднаўлялі сельскую гаспадарку, вучылі дзяцей, здабывалі спартыўныя перамогі, здзяйснялі навуковыя адкрыцці.

Многія з вас і сёння актыўныя і дзейныя: прадаўжаюць працаваць, удзельнічаюць у грамадска-палітычным жыцці, выхоўваюць моладзь, шчодра дзелячыся сваімі мудрасцю і вопытам.

Мы, беларусы, заўсёды з павагай ставімся да тых, хто старэйшы за нас. Таму клопат аб пажылых людзях і ветэранах быў і будзе ў ліку прыярытэтаў сацыяльнай палітыкі нашай рэспублікі.

Жадаю вам моцнага здароўя, невычэрпнай энергіі і бясконцага душэўнага цяпла ад увагі блізкіх людзей.

Аляксандр Лукашэнка.

версія для друку

зрабіць стартавай

дабавіць у выбранае