Галоўныя навіны

Лукашэнка даў інтэрв'ю тэлеканалу "Аль-Арабія"

12 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка даў інтэрв'ю тэлеканалу "Аль-Арабія", паведамляе БЕЛТА.

Інтэрв'ю прадаўжалася амаль паўтары гадзіны. Аляксандр Лукашэнка адказаў прыкладна на два дзясяткі пытанняў. Яны ў тым ліку датычыліся канфліктаў на Блізкім Усходзе і ва Украіне, пошуку развязак існуючых супярэчнасцей і перспектыў мірнага ўрэгулявання.

Прэзідэнт падзяліўся сваім меркаваннем аб глабальных зменах, што адбываюцца ў свеце, расказаў аб кантактах з ЗША і краінамі Еўрасаюза, выказаўся на тэму мілітарызацыі ў шэрагу еўрапейскіх краін.

Размова ў інтэрв'ю таксама ішла аб развіцці супрацоўніцтва з Саудаўскай Аравіяй і іншымі дзяржавамі ў рэгіёне Блізкага Усходу.

У якасці інтэрв'юера выступіла вядучая міжнародных навін і карэспандэнт тэлеканала "Аль-Арабія" Мелінда Карэн Нусіфора.

Тэлеканал "Аль-Арабія" - міжнародны арабамоўны канал навін. Ён заснаваны ў 2003 годзе, штаб-кватэра размяшчаецца ў горадзе Эр-Рыяд (Саудаўская Аравія). Канал працуе ў кругласутачным фармаце на арабскай мове (з асобнай версіяй на фарсі для іранскай аўдыторыі) і даступны больш як у 150 краінах праз спадарожнікавае, кабельнае і лічбавае вяшчанне.

Праз анлайн-платформы, сайты і сацыяльныя сеткі "Аль-Арабія" ахоплівае значную частку аўдыторыі Блізкага Усходу, Афрыкі, а таксама за іх межамі. Інтэрнэт-версія тэлеканала публікуе навіны на чатырох мовах - арабскай, англійскай, урду і фарсі.

версія для друку

зрабіць стартавай

дабавіць у выбранае