Галоўныя навіны

Лукашэнка і Мірзіёеў падпісалі Дэкларацыю аб устанаўленні стратэгічнага партнёрства Беларусі і Узбекістана

9 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка і Прэзідэнт Узбекістана Шаўкат Мірзіёеў падпісалі Дэкларацыю аб устанаўленні адносін стратэгічнага партнёрства паміж Беларуссю і Узбекістанам, перадае карэспандэнт БЕЛТА.

"Гістарычны крок. Дакумент афіцыйна замацоўвае высокі ўзровень двухбаковых адносін, заснаваных на прынцыпах раўнапраўя, узаемнай павагі, даверу і ўліку інтарэсаў адзін аднаго. Гэта надасць дадатковы імпульс сумеснай рабоце ў палітычнай, гандлёва-эканамічнай, інвестыцыйнай, культурна-гуманітарнай сферах, у галіне бяспекі, процідзеяння сумесным выклікам і пагрозам", - заявіў Прэзідэнт Беларусі.

Дэкларацыя нацэлена на паглыбленне ўзаемадзеяння ў прамысловасці, сельскай гаспадарцы, транспартнай лагістыцы, розных напрамках міжрэгіянальнага супрацоўніцтва.

Па выніках перагавораў кіраўнікоў дзяржаў падпісаны пакет дакументаў. У іх ліку дарожная карта па развіцці гандлёва-эканамічнага супрацоўніцтва паміж Беларуссю і Узбекістанам на 2026-2030 гады.

Лукашэнка і Мірзіёеў дамовіліся аб прынцыпова новым падыходзе ў адносінах Беларусі і Узбекістана

9 ліпеня, Мінск /Кар. БЕЛТА/. Прэзідэнты Беларусі і Узбекістана Аляксандр Лукашэнка і Шаўкат Мірзіёеў дамовіліся аб прынцыпова новым падыходзе ў адносінах дзвюх краін. Аб гэтым кіраўнік беларускай дзяржавы заявіў на перагаворах у шырокім складзе, перадае карэспандэнт БЕЛТА.

"Прэзідэнт мне толькі што сказаў, што размова, якая ў нас адбылася ў вузкім складзе, - дзеля гэтага трэба было прыехаць у Беларусь. Таму што мы дамовіліся аб прынцыпова новым падыходзе ў нашых адносінах па важных для Узбекістана і Беларусі напрамках супрацоўніцтва", - заявіў Аляксандр Лукашэнка.

"Каб нашы амбіцыйныя планы былі ажыццёўлены, урады падрыхтавалі дарожную карту, якая вызначае асноўныя напрамкі сумеснай работы на пяцігодку. Тоны, штукі, адказныя, тэрміны. Ключавым сярод іх з'яўляецца вытворчая кааперацыя, якая ўносіць істотны ўклад у тэхналагічны суверэнітэт Узбекістана", - адзначыў Прэзідэнт Беларусі.

Лукашэнка бачыць рэальныя магчымасці для росту тавараабароту з Узбекістанам да $2 млрд да 2030 года