Галоўныя навіны

Глабальная абстаноўка ў свеце і адносіны з ЗША сталі тэмамі нарады ў Лукашэнкі

14 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка сабраў нараду па пытаннях глабальнай міжнароднай абстаноўкі і развіцці беларуска-амерыканскіх адносін, перадае карэспандэнт БЕЛТА.

"Я хацеў бы сёння з вамі параіцца па шэрагу пытанняў. Нам трэба будзе абмеркаваць перш за ўсё пытанні глабальнай міжнароднай абстаноўкі, як яна характарызуецца, якое месца займае Беларусь у гэтай глабальнай сітуацыі. Гэта па-першае. І, па-другое, вельмі важнае пытанне - нашы адносіны са Злучанымі Штатамі Амерыкі", - сказаў кіраўнік дзяржавы.

У ліку ўдзельнікаў нарады прэм'ер-міністр Аляксандр Турчын, дзяржсакратар Савета бяспекі Аляксандр Вальфовіч, кіраўнік Адміністрацыі Прэзідэнта Дзмітрый Крутой, генеральны пракурор Андрэй Швед і старшыня КДБ Іван Тэртэль.

"Я вельмі разлічваю, што ў гэтым вузкім коле вы ўнесяце канкрэтныя прапановы, выкажаце свае меркаванні з тым, каб, магчыма (паглядзім, як гэта будзе выглядаць у будучым), мы маглі разгледзець гэта пытанне на пасяджэнні Савета бяспекі Беларусі. Трэба, каб гэтыя глабальныя пытанні, аб якіх я сказаў, асабліва беларуска-амерыканскія адносіны, былі абмеркаваны больш шырокім колам і прыняты калектыўныя рашэнні", - заявіў Аляксандр Лукашэнка.

версія для друку

зрабіць стартавай

дабавіць у выбранае