Галоўныя навіны
Беларуска-турэцкія адносіны перажываюць перыяд рэнесансу - Лукашэнка
15 лютага, Мінск /Міхаіл Маціеўскі - БЕЛТА/. Беларуска-турэцкія адносіны перажываюць перыяд рэнесансу. Аб гэтым Прэзідэнт Беларусі Аляксандр Лукашэнка заявіў сёння на сустрэчы з прэм'ер-міністрам Турцыі Біналі Йылдырымам, перадае карэспандэнт БЕЛТА.
"На працягу некалькіх апошніх гадоў беларуска-турэцкія адносіны, я сказаў бы, перажываюць нейкі перыяд рэнесансу. Мы наладзілі вельмі добрае супрацоўніцтва ў гандлёва-эканамічнай сферы, а гэта фундамент любых адносін. У нас як ніколі добрыя палітычныя адносіны", - сказаў Аляксандр Лукашэнка.
Прэзідэнт канстатаваў, што асноўныя міністэрствы і ведамствы дзвюх краін наладзілі цеснае і плённае супрацоўніцтва, а тавараабарот паміж краінамі наблізіўся да
У сваю чаргу Біналі Йылдырым падзякаваў Аляксандру Лукашэнку за тое, што з першых хвілін турэцкая дэлегацыя адчувае цяпло і гасціннасць з боку беларускіх калег. Ён расказаў, што напярэдадні правёў сустрэчу з прэм'ер-міністрам Беларусі Андрэем Кабяковым, бакі абмеркавалі важнейшыя міждзяржаўныя пытанні, у тым ліку развіццё супрацоўніцтва ў эканамічнай, гандлёвай, транспартнай, культурнай сферах.
"Вядома, я спазніўся з візітам у якасці прэм'ер-міністра ў вашу краіну. Карыстаючыся выпадкам, хачу перадаць вам найлепшыя словы ад нашага Прэзідэнта Рэджэпа Таіпа Эрдагана. Ён задаволены добрымі адносінамі паміж нашымі дзяржавамі, але лічыць, што мы недастаткова выкарыстоўваем патэнцыял і маем магчымасці для развіцця супрацоўніцтва", - адзначыў кіраўнік турэцкага ўрада.
версія для друку
зрабіць стартавай
дабавіць у выбранае