Галоўныя навіны

Беларускі штангіст Генадзь Лапцеў стаў чэмпіёнам II Гульняў краін СНД

Генадзь Лапцеў

6 жніўня, Мінск /Кар. БЕЛТА/. У Гродне сёння прадоўжыўся цяжкаатлетычны турнір II Гульняў краін СНД. Спартсмены разыгрываюць узнагароды ў пяці вагавых катэгорыях - тры ў мужчын і дзве ў жанчын, паведамляе карэспандэнт БЕЛТА.

Першым чэмпіёнам сённяшняга дня стаў беларус Генадзь Лапцеў. У суме дваябор'я ў вагавой катэгорыі 61 кг пераможца набраў 286 кг (рывок - 133 кг, штуршок - 153 кг). Сярэбраны медаль заваяваў в'етнамскі спартсмен Тхан Да Нгуен - 274 кг (119+155), бронзавым прызёрам стаў расіянін Алег Мусахранаў - 273 кг (124+149).

Золата Генадзя Лапцева - першае ў актыве беларускай зборнай па цяжкай атлетыцы. Учора нашы штангісты сталі ўладальнікамі трох узнагарод - серабро (Юлія Гуліна) і дзве бронзы (Паліна Пічугіна і Рыгор Вярцінскі).

У турніры, што прымае гродзенскі Лядовы палац, удзельнічаюць спартсмены з Беларусі, Расіі, Таджыкістана, Узбекістана, Туркменістана, Азербайджана, Кыргызстана, В'етнама і Кубы.

версія для друку

зрабіць стартавай

дабавіць у выбранае