Гуманітарнае супрацоўніцтва

Яшчэ адна партыя грузу гуманітарнай дапамогі адпраўлена з Беларусі ў Турцыю

Борт з гуманітарнай дапамогай ад Беларусі вылецеў у Турцыю. Фота МНС

17 лютага, Мінск /Кар. БЕЛТА/. У мэтах выканання даручэння кіраўніка дзяржавы МНС у аператыўным парадку прапрацавана пытанне сумесна з зацікаўленымі аб аказанні гуманітарнай дапамогі Турцыі ў сувязі з разбуральным землетрасеннем, якое адбылося ў ноч з 5 па 6 лютага на паўднёвым усходзе краіны. Сёння з Беларусі ў Турцыю адпраўлена чарговая партыя гуманітарнага грузу, паведаміў БЕЛТА афіцыйны прадстаўнік МНС Яўген Бараноўскі.

Ён расказаў, што другая партыя неабходных матэрыяльных каштоўнасцей, запытаных і ўзгодненых турэцкім бокам, выдзелена Беларускім дзяржаўным канцэрнам па вытворчасці і рэалізацыі тавараў лёгкай прамысловасці (3 найменні дзіцячага цёплага адзення), Міністэрствам прамысловасці (396 раскладных ложкаў, 400 матрацаў), аб'яднаннем "Беларускі саюз жанчын" (сродкі асабістай гігіены, дзіцячае адзенне, спальныя мяшкі і іншае) і Беларускім Чырвоным Крыжам (2016 коўдраў, 250 турыстычных дыванкоў, 340 спальных мяшкоў). Агульная маса грузу - 10 000 кг, аб'ём - прыкладна 170 куб.м. Паводле слоў Бараноўскага, агульны кошт грузу больш як Br200 тыс.

Дастаўка гуманітарнай дапамогі ў Турэцкую Рэспубліку будзе рэалізавана авіяцыйным транспартам Узброеных Сіл Беларусі па маршруце аэрадром Мачулішчы - Газіянтэп.

Таксама Бараноўскі адзначыў, што сёння будзе вернута другая частка выратавальнага атрада ў колькасці 32 работнікі Рэспубліканскага атрада спецыяльнага прызначэння "ЗУБР" і два аўтамабілі. Дастаўка работнікаў у Беларусь будзе ажыццёўлена паветраным суднам Узброеных Сіл Беларусі.

Як паведамлялася раней, 15 лютага паветраным суднам Узброеных Сіл Беларусі ў Газіянтэп дастаўлена першая партыя гуманітарнага грузу. У склад грузу ўвайшлі: 10 камплектаў каркасных палатак, напаўшарсцяныя коўдры ў колькасці 3900 штук, 7 найменняў медыцынскіх прэпаратаў, сродкі асабістай гігіены, дзіцячае адзенне, спальныя мяшкі і іншае агульнай масай каля 20 000 кг, аб'ёмам - 180 куб.м.

версія для друку

зрабіць стартавай

дабавіць у выбранае