Гуманітарнае супрацоўніцтва

ААЭ перадалі Беларусі каля 10 тыс. доз вакцыны ад COVID-19

9 чэрвеня, Мінск /Кар. БЕЛТА/. Вакцыну супраць каранавіруса перадалі Беларусі Аб'яднаныя Арабскія Эміраты (ААЭ). Самалёт прыляцеў сёння ноччу ў Мінск, паведамляе БЕЛТА са спасылкай на Telegram-канал "Афіцыйнае Міністэрства аховы здароўя".

У аэрапорце Мінск-2 важны груз (каля 10 тыс. доз прэпарату) сустракалі галоўны ўрач Рэспубліканскага цэнтра арганізацыі медыцынскага рэагавання Міністэрства аховы здароўя Эдуард Вальчук і часовы павераны ў справах ААЭ ў Беларусі Мухамед Альшэхі. Паводле слоў Эдуарда Вальчука, вакцына неабходна цяпер ва ўсім свеце, Беларусь не выключэнне. "Дружалюбны крок салідарнасці, - адзначыў галоўны ўрач, - значны для нашай краіны".

Інактываваная вакцына кітайскай вытворчасці Sars-CoV-2 Vero Cell, якая прыбыла ў Беларусь, на сённяшні дзень акрамя Кітая адобрана да выкарыстання больш як у 10 краінах свету. Гэта ААЭ, Бахрэйн, Егіпет, Іарданія, Венгрыя і іншыя.

версія для друку

зрабіць стартавай

дабавіць у выбранае