Прэзідэнцкія выбары-2025 у Беларусі

За што галасавалі беларусы на прэзідэнцкіх выбарах? Меркаванне эксперта

Яўген Алекса

31 студзеня, Мінск /Кар. БЕЛТА/. Градус патрыятызму ў гэту выбарчую кампанію ў нашай краіне вырас, заявіў у праекце БЕЛТА "Краіна гаворыць" старшыня Магілёўскай абласной выбарчай камісіі Яўген Алекса.

"Наогул, гэта выбарчая кампанія ў Магілёўскай вобласці паказала вельмі высокую яўку нашага выбаршчыка - 92,64 працэнта. Гэта ў цэлым за выбарчую кампанію з улікам датэрміновага галасавання. Некаторыя выбаршчыкі, як я ведаю, наўмысна не хадзілі на датэрміновае галасаванне, каб прыйсці ў асноўны дзень галасавання, 26 студзеня, і атрымаць свята", - расказаў Яўген Алекса.

Паводле яго слоў, высокую яўку выбаршчыкаў таксама адзначалі як міжнародныя наглядальнікі, якія працавалі ў вобласці, так і нацыянальныя наглядальнікі. "Усе адзначалі, што людзі ідуць. Ідуць з унукамі, дзецьмі. У нашай вобласці асноўны дзень галасавання сапраўды быў святам, - адзначыў Яўген Алекса. - Культурная праграма, грамадскае харчаванне паказала свае лепшыя бакі, атмасфера добразычлівасці адчувалася. Як мне здаецца, градус патрыятызму ў гэту выбарчую кампанію ў нашай краіне вырас. Гэтаму садзейнічала ў тым ліку інфармацыйна-растлумачальная работа".

"Па сутнасці, гэта электаральная кампанія паказала, што насельніцтва гатова зрабіць выбар нават не паміж кандыдатамі, а за захаванне міру і стабільнасці ў краіне", - дапоўніў прадстаўнік Цэнтра грамадскага назірання за выбарамі Аляксандр Іваненка.

версія для друку

зрабіць стартавай

дабавіць у выбранае