Прэзідэнцкія выбары-2025 у Беларусі

Кедмі: мыльная бурбалка Захаду з дыскрэдытацыяй выбараў у Беларусі лопнула

Якаў Кедмі. Скрыншот відэа

29 студзеня, Мінск /Кар. БЕЛТА/. Мыльная бурбалка Захаду з дыскрэдытацыяй выбараў у Беларусі лопнула. Такім меркаваннем у праекце "У тэме" на YouTube-канале БЕЛТА падзяліўся ваенны эксперт і палітычны аналітык Якаў Кедмі.

"Да нездаволенасці Захаду выбары ў Беларусі прайшлі цалкам спакойна. У адрозненне ад мінулых выбараў ніякіх сур'ёзных спроб дэстабілізаваць абстаноўку ў Беларусі не было. Усе гэтыя спробы скончыліся поўнай няўдачай. Яны не знайшлі прадстаўніка, які мог бы хаця б з частковым поспехам вылучыць сваю кандыдатуру. І ўся іх мыльная бурбалка з дыскрэдытацыяй выбараў у Беларусі як мінулы раз, так і сёння лопнула. Акрамя ўбогіх спроб, як гэта было з Гуайдо (калі хто-небудзеь памятае, хто гэта), яны нічога не змаглі прыдумаць", - сказаў Якаў Кедмі.

Палітычны аналітык адзначыў, што адна з галоўных прэтэнзій Захаду да Беларусі заключаецца ў тым, што наша краіна мае саюзныя адносіны з Расіяй. Акрамя таго, дадаў аналітык, прэтэнзіі былі і да таго, што не было "больш сур'ёзных кандыдатаў".

"Не было, таму што ў Беларусі няма сёння больш сур'ёзных кандыдатаў. І самае страшнае: у Беларусі, аказваецца, "уціскаюць свабодныя сродкі інфармацыі". Хто б гаварыў! Гэта асабліва відаць на фоне абсалютна "дэмакратычнай" Украіны, дзе былі падаўлены ўсе сродкі інфармацыі, усе палітычныя партыі, дзе турмы былі забіты тымі, хто, як здалося цяперашняй уладзе, не зусім станоўча да яе ставіцца, дзе наогул выбары адмянілі з-за непатрэбнасці. Вось гэта для іх ідэал дэмакратыі. Або Румынія, дзе выбары не спадабаліся і іх вынікі адмянілі", - канстатаваў Якаў Кедмі.

версія для друку

зрабіць стартавай

дабавіць у выбранае