Прэзідэнцкія выбары-2025 у Беларусі

Карпенка: паводле ацэнак міжнародных наглядальнікаў, выбары ў Беларусі былі дэмакратычнымі і адкрытымі

28 студзеня, Мінск /Кар. БЕЛТА/. Паводле ацэнак міжнародных наглядальнікаў, выбары ў Беларусі былі дэмакратычнымі і адкрытымі, заявіў журналістам старшыня ЦВК Беларусі Ігар Карпенка, перадае карэспандэнт БЕЛТА.

"У нас было шмат момантаў размовы з міжнароднымі наглядальнікамі. У агульнай колькасці іх было 486 у нашай краіне. Даволі шырока прадстаўлена геаграфія краін - гэта 52 краіны, 17 краін заходнееўрапейскіх. Фактычна ўсе катыненты былі прадстаўлены, за выключэннем Аўстраліі. І хачу сказаць, што і ў перыяд назірання за выбарамі, і ў час сустрэч, і цяпер пасля правядзення выбараў усе падкрэсліваюць, што працэс быў дэмакратычным, адкрытым, транспарэнтным. Яны маглі наведаць любы ўчастак. Ніхто іх не абмяжоўваў у размове з выбаршчыкамі, што яны і рабілі. Яны падкрэслівалі, што дастаткова шмат было СМІ, можна было дзяліцца сваімі меркаваннямі адкрыта і свабодна", - расказаў Ігар Карпенка.

Шырокі спектр прадстаўніцтва міжнародных наглядальнікаў сведчыць аб тым, што цікавасць да нашых выбараў была даволі высокай, адзначыў кіраўнік ЦВК. "І тое, што Беларусь была на выбарах адкрыта і даступна для назірання выбарчага працэсу, які мы арганізавалі ў рамках дзеючага заканадаўства", - дадаў ён.

версія для друку

зрабіць стартавай

дабавіць у выбранае