9 мая, Мінск /Кар. БЕЛТА/. Прэзідэнт Беларусі Аляксандр Лукашэнка ўсклаў сёння вянок да манумента Перамогі ў Мінску, перадае карэспандэнт БЕЛТА.
Ва ўрачыстай цырымоніі таксама прынялі ўдзел і ўсклалі кветкі і вянкі вышэйшыя службовыя асобы, кіраўнікі дзяржорганаў, прадстаўнікі грамадскіх арганізацый, ветэраны, свяшчэннаслужыцелі, дыпламаты.
Пасля ўскладання вянкоў Аляксандр Лукашэнка сустрэўся з кіраўнікамі дыпмісій і ваеннымі аташэ.
Самая цёплая размова кіраўніка дзяржавы была з ветэранамі. "Вас усё менш становіцца, але, тым не менш, - ядро моцнае... Ну і загад помніце? Жыць і жыць насуперак усяму", - сказаў Прэзідэнт.
Ён таксама дадаў: "Прывітанне вам з Масквы ад усіх нашых сяброў, ад кіраўніцтва Расіі. Спецыяльна ўчора, позна вечарам ад'язджаючы, дамовіўся, што я ветэранам перадам ад расіян самыя найлепшыя пажаданні. Са святам вас!".