Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

28 Jul 2017

Падрыхтоўка інфраструктуры Мінска да Еўрагульняў-2019 разгледжана ва ўрадзе

Падрыхтоўка інфраструктуры Мінска да Еўрагульняў-2019 разгледжана ва ўрадзе

28 ліпеня, Мінск /Кар. БЕЛТА/. Падрыхтоўка інфраструктуры Мінска да II Еўрапейскіх гульняў 2019 года разгледжана 28 ліпеня на чарговым пасяджэнні рэспубліканскага арганізацыйнага камітэта пад старшынствам прэм'ер-міністра Андрэя Кабякова. Аб гэтым БЕЛТА паведамілі ў прэс-службе беларускага ўрада.

"Разгледжаны пытанні падрыхтоўкі інфраструктуры Мінска да правядзення II Еўрапейскіх гульняў, фінансавання мерапрыемстваў па падрыхтоўцы гульняў, набыцця сістэмы сканіравання білетаў і размяшчэння дырэкцыі па правядзенні II Еўрапейскіх гульняў 2019 года", - адзначылі ў прэс-службе.

Андрэй Кабякоў праінфармаваў, што кіраўнік дзяржавы ўзгадніў прапановы аргкамітэта па канцэпцыі брэнда ІІ Еўрапейскіх гульняў, яму былі даложаны падыходы па відах спорту і асноўных палажэннях кантракта.

Акрамя таго, прэм'ер-міністр звярнуў увагу, што неабходна выпрацаваць дакладныя падыходы да фінансавання расходаў на правядзенне гульняў. "Лішніх грошай у бюджэце няма. Расходы будуць толькі на самае неабходнае, таму прашу ўсё падлічваць дэталёва, абгрунтоўваць кожны рубель, шукаць іншыя рэзервы, працаваць над зніжэннем кошту абсталявання і паслуг. Да гэтых пытанняў трэба ставіцца вельмі адказна", - цытуе прэс-служба кіраўніка ўрада.

Беларусь атрымала права правядзення II Еўрапейскіх гульняў на 45-м пасяджэнні Генеральнай асамблеі Еўрапейскіх алімпійскіх камітэтаў, якое ў кастрычніку 2016 года прайшло ў Мінску. Афіцыйным дэвізам II Еўрагульняў стане выказванне Bright Year, Bright You ("Яркі год, яркі ты"). Таксама будзе руская варыяцыя лозунга - "Время ярких побед" і беларуская - "Час яскравых перамог".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі