II Еўрапейскія гульні ў Беларусі

Беларускі барэц Аляксандр Гуштын стаў трэцім на турніры II Еўрапейскіх гульняў

27 чэрвеня, Мінск /Кар. БЕЛТА/. Беларускі спартсмен вольнага стылю Аляксандр Гуштын (вагавая катэгорыя 97 кг) стаў трэцім на турніры па барацьбе II Еўрапейскіх гульняў, перадае карэспандэнт БЕЛТА.

Паспяхова прайшоўшы кваліфікацыйны адбор, Аляксандр Гуштын уступіў у паўфінале свайму даўняму саперніку алімпійскаму чэмпіёну Рыа-дэ-Жанэйра, трохразоваму чэмпіёну свету і Еўропы, пераможцу I Еўрапейскіх гульняў расіяніну Абдулрашыду Садулаеву - 0:6. У схватцы за бронзавую ўзнагароду беларус перамог атлета з Паўночнай Македоніі Магамедгаджы Нурава - 3:1.

На рахунку беларускіх барцоў таксама сярэбраны медаль прадстаўніка вольнага стылю Алі Шабанава (86 кг). За залатыя медалі мультыспартыўнага форуму 28 чэрвеня паспаборнічаюць беларускі Васіліса Марзалюк (76 кг) і Ірына Курачкіна (57 кг), бронзавую ўзнагароду паспрабуе заваяваць Віялета Чырык (50 кг).

Турнір па барацьбе II Еўрапейскіх гульняў у сталічным Палацы спорту завершыцца 30 чэрвеня. Усяго ў спаборніцтвах прымаюць удзел 288 атлетаў, якія змагаюцца за 18 камплектаў медалёў.

версія для друку

зрабіць стартавай

дабавіць у выбранае