Прамовы і інтэрв’ю
Лукашэнка: калі б не было 2020 года, яго трэба было б прыдумаць
31 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка, звяртаючыся з Пасланнем да беларускага народа і Нацыянальнага сходу, выказаўся аб падзеях 2020 года і ўроках, якія давялося атрымаць, перадае карэспандэнт БЕЛТА.
Гаворачы аб ключавых умовах рэальнага суверэнітэту краіны, кіраўнік дзяржавы падкрэсліў значнасць народнага адзінства, якое беларусы заўсёды дэманстравалі ў пераломныя моманты гісторыі. "Большасцю мы выстаялі ў 2020-м. Гэта відавочна нават для тых, хто кіраваў тым варварскім бліцкрыгам. Пара б ім публічна ўжо прызнаць сваё паражэнне", - сказаў Аляксандр Лукашэнка. Паводле яго слоў, у час сустрэч з так званымі заходнікамі, ён прапаноўваў ім прызнаць пройгрыш і пачаць выбудоўваць паміж краінамі такія адносіны, якія магчымы ў цяперашніх умовах.
"Аналізуючы падзеі 2020 года, атрымліваючы ўрокі з тых падзей, мы абсалютна правільна не жадаем падобнага, не хочам, каб гэта паўтарылася. Але калі б не было 2020 года, яго трэба было б прыдумаць! - прадоўжыў Прэзідэнт. - Жнівень 2020 года паказаў, хто ёсць хто. Жнівень 2020 года паказаў нашы пралікі, сканцэнтраваўшы нашу ўвагу на недапушчальнасці самазаспакаення і расхлябанасці".
"Мы думалі, усё добра, бога за бараду ўзялі, жывём не горш, чым іншыя, асабліва суседзі, дзе пастаянна штарміць. Ан не... Аказалася, што пэўнай частцы грамадства гэта не падабаецца і гэта не патрэбна. Якой частцы і што не падабаецца - мы сёння ведаем", - дадаў Аляксандр Лукашэнка.
Ён упэўнены, што 2020 год быў важным момантам у айчыннай гісторыі: "Дзякуй богу, што ён быў і што ён гэтым скончыўся". Пасля гэтага, звярнуў увагу Прэзідэнт, ён увесь час арыентуе грамадства не расслабляцца, інакш усё можа паўтарыцца. "Ці ўсе мяне пачулі? Шчыра скажу: далёка не ўсё. А давядзецца", - падкрэсліў кіраўнік дзяржавы.
Падводзячы вынік гэтай тэме, Прэзідэнт яшчэ раз зрабіў акцэнт на вывадах з падзей 2020 года: "Галоўнае, мы "на зуб" паспрабавалі іх дэмакратыю і правы чалавека. Мы зразумелі на сваім горкім вопыце: жыць спакойна нам не дадуць!"
версія для друку
зрабіць стартавай
дабавіць у выбранае