Прамовы і інтэрв’ю
Лукашэнка: Беларусь нязменна настроена на выбудоўванне адносін з Лацінскай Амерыкай
10 лістапада, Мінск /Кар. БЕЛТА/. Беларусь нязменна настроена на выбудоўванне адносін з Лацінскай Амерыкай. Аб гэтым Прэзідэнт Беларусі Аляксандр Лукашэнка заявіў на сустрэчы з прэм'ер-міністрам Кубы Мануэлем Марэра Крусам, паведамляе БЕЛТА.
"Нязменным было і застаецца тое, што мы як высокатэхналагічная краіна будзем выбудоўваць нашы адносіны з Лацінскай Амерыкай. І, зразумела, кропкамі апоры будуць заўсёды служыць Куба, Венесуэла, Нікарагуа ў першую чаргу, - сказаў Аляксандр Лукашэнка. - Ваш візіт мы разглядаем менавіта ў гэтай плоскасці. Мы вельмі разлічваем, што значна прыбавім у нашых гандлёва-эканамічных адносінах. Гэта ж не варта, што ў нас гандлёвы абарот ледзь перавальвае за 10 мільёнаў долараў".
Прэзідэнт прапанаваў кубінскаму боку выкарыстоўваць лепшыя кампетэнцыі дзвюх краін, каб паглыбіць гандлёва-эканамічныя адносіны і ўзняць іх да ўзроўню палітычных і гуманітарных.
У сваю чаргу Мануэль Марэра Крус падзякаваў кіраўніку беларускай дзяржавы за магчымасць сустрэчы і цёплы прыём, арганізаваны ў Мінску для кубінскага боку. "І за ўсю тую цеплыню, якую мы адчуваем з моманту прыбыцця і што дае нам магчымасць адчуваць сябе як дома", - дадаў ён.
Прэм'ер-міністр таксама перадаў прывітанні ў адрас Аляксандра Лукашэнкі ад кіраўніцтва Кубы і асабіста ад Прэзідэнта Мігеля Марыа Дыяс-Канеля Бермудэса, які, паводле яго слоў, вельмі цёпла ўспамінае свой візіт у Мінск у 2019 годзе.
"Я вельмі ўважліва выслухаў вас і цалкам згодны. Вы зрабілі самы дакладны аналіз двухбаковых гандлёва-эканамічных адносін паміж нашымі краінамі. Я падзяляю ваша меркаванне, - сказаў Мануэль Марэра Крус. - Мы таксама нацэлены на тое, каб прапанаваць змяніць гэту сітуацыю".
Паводле яго слоў, прэм'ер-міністрам Беларусі і Кубы неабходна правесці комплексную работу, каб змяніць да лепшага сітуацыю, якая склалася, і напоўніць супрацоўніцтва канкрэтнымі праектамі.
Кіраўнік кубінскага ўрада прыляцеў з афіцыйным візітам у Беларусь 9 лістапада. У яго таксама запланаваны перагаворы з прэм'ер-міністрам Раманам Галоўчанкам, кіраўнікамі абедзвюх палат беларускага парламента і членамі рабочай групы Нацыянальнага сходу па супрацоўніцтве з парламентам Кубы. Знаходзячыся з візітам у Беларусі, Мануэль Марэра Крус азнаёміцца з яе прамысловым патэнцыялам і магчымасцямі ў перапрацоўцы мясной і малочнай сыравіны.
У гэтым годзе гандаль паміж Беларуссю і Кубай паказвае добрыя вынікі. За студзень-верасень тавараабарот дасягнуў $10,5 млн, тэмп росту ў параўнанні з аналагічным перыядам мінулага года - 307 працэнтаў. Дадатнае сальда для Беларусі павялічылася амаль у 9 разоў і склала $7,9 млн. Прырастае (больш як на 20 працэнтаў) і экспарт паслуг: за студзень-ліпень ён склаў $155,2 тыс. Калі ў мінулым годзе Беларусь аказвала Кубе дзелавыя паслугі, то у гэтым у асноўным аказваліся тэлекамунікацыйныя, камп'ютарныя і інфармацыйныя паслугі.
Цяпер абедзве краіны сканцэнтраваны на тым, каб нарасціць узаемны тавараабарот. У ліпені Кубу з афіцыйным візітам наведала беларуская дэлегацыя на чале з міністрам замежных спраў Сяргеем Алейнікам. Тады бакі абмеркавалі ўвесь спектр беларуска-кубінскіх адносін і спосабы іх актывізацыі, у тым ліку праз механізм двухбаковай камісіі па гандлёва-эканамічным супрацоўніцтве. Традыцыйна асаблівая ўвага была ўдзелена пастаўкам беларускай тэхнікі і запасных частак, запатрабаваных прадуктаў харчавання і іншай беларускай прадукцыі. Асобным элементам праведзеных сустрэч стала абмеркаванне беларуска-кубінскага супрацоўніцтва і перспектыўных сумесных праектаў у сферы навукі, біятэхналогій і фармакалогіі.
версія для друку
зрабіць стартавай
дабавіць у выбранае