Прамовы і інтэрв’ю

Алейнік: пытанне бяспекі з'яўляецца экзістэнцыяльным для Еўразійскага рэгіёна

26 кастрычніка, Мінск /Кар. БЕЛТА/. Пытанне бяспекі з'яўляецца экзістэнцыяльным для Еўразійскага рэгіёна і свету ў цэлым. Аб гэтым заявіў міністр замежных спраў Беларусі Сяргей Алейнік на міжнароднай канферэнцыі высокага ўзроўню "Еўразійская бяспека: рэальнасць і перспектывы ў трансфармуемым свеце", перадае карэспандэнт БЕЛТА.

"Мяркуючы па актыўнай размове да пасяджэння, абмяркоўваць звышактуальную тэму перспектыў еўразійскай бяспекі вы пачалі з самай раніцы. І гэта толькі пацвярджае той факт, што гэта пытанне не проста хвалюе ўсіх нас, але і, па сутнасці, з'яўляецца экзістэнцыяльным для нашага рэгіёна вялікай Еўразіі і для свету ў цэлым. Само агульнае разуменне гэтага факта ўжо з'яўляецца аб'яднальным пачаткам нашай канферэнцыі. Няхай гэта стане першай цаглінкай у фундаменце еўразійскай бяспекі, і спадзяюся, што з часам мы агульнымі намаганнямі зможам знайсці і выбудаваць усе астатнія", - сказаў Сяргей Алейнік.

Міністр адзначыў, што гасціннасць, дружалюбнасць і міралюбнасць беларускай зямлі з'яўляюцца важнымі перадумовамі для такіх сустрэч. У падобным фармаце эксперты, дыпламаты і палітыкі ўжо неаднаразова збіраліся на мінскай дыялогавай пляцоўцы, абмяркоўваючы еўрапейскую бяспеку.

"Спачатку мы спрабавалі знайсці формулу бяспекі для ўсіх. Потым разважалі, як адысці ад краю прорвы. На вялікі жаль, нашы надзеі на лепшае не рэалізаваліся. Збыліся самыя змрочныя прагнозы", - канстатаваў дыпламат.

версія для друку

зрабіць стартавай

дабавіць у выбранае