Падзеі, факты, анонсы

YouTube-канал БЕЛТА адзначаны спецыяльным дыпломам інтэрнэт-прэміі ТІБО

21 красавіка, Мінск /Кар. БЕЛТА/. YouTube-канал БЕЛТА адзначаны спецыяльным дыпломам на інтэрнэт-прэміі ТІБО. Урачыстае ўручэнне ўзнагароды адбылося на міжнародным ІКТ-форуме ТІБО-2023, перадае карэспандэнт БЕЛТА.

Спецыяльнымі дыпломамі журы былі таксама адзначаны сайты і акаўнты сеткі "Еўраопт", інтэрнэт-правайдара НІКС і выдавецкага дома "Беларусь сёння".

На конкурс "Інтэрнэт-прэмія ТІБО" пададзена 206 заявак. У гэтым годзе ён праводзіцца па 10 асноўных намінацыях: "Органы дзяржаўнага кіравання і ўлады", "Адукацыя і навука", "Інфармацыйны рэсурс", "Карпаратыўныя інтэрнэт-рэсурсы", "Інтэрнэт-гандаль", "Турызм і адпачынак", "Спорт", "Здароўе і медыцына", "Для дзяцей і юнацтва", "Карпаратыўныя акаўнты ў сацыяльных сетках".

Інтэрнэт-прэмія ТІБО праводзіцца ў Беларусі штогод з 2003 года. Асноўныя мэты конкурсу - папулярызацыя лепшых інтэрнэт-рэсурсаў і садзейнічанне развіццю нацыянальнага сегмента глабальнай сеткі Інтэрнэт як асяроддзя для пашырэння тавараў і паслуг, прафесійнай дзейнасці, творчасці, адпачынку, стасункаў. З пачатку правядзення конкурсу ў ім прынялі ўдзел каля 9 тыс. беларускіх інтэрнэт-рэсурсаў.

версія для друку

зрабіць стартавай

дабавіць у выбранае