Падзеі, факты, анонсы
XXХI Мінская міжнародная кніжная выстаўка-кірмаш адбудзецца 14-17 сакавіка
Фота з архiва
4 сакавіка, Мінск /Кар. БЕЛТА/. XXХI Мінская міжнародная кніжная выстаўка-кірмаш адбудзецца 14-17 сакавіка ў адміністрацыйным комплексе па праспекце Пераможцаў, 14, паведаміў журналістам намеснік міністра інфармацыі Ігар Бузоўскі, перадае карэспандэнт БЕЛТА.
Асноўнымі тэмамі выстаўкі стануць - 80-годдзе вызвалення Беларусі ад нямецка-фашысцкіх захопнікаў, 30-годдзе прыняцця Канстытуцыі Рэспублікі Беларусь, Год якасці, юбілеі класікаў беларускай літаратуры і інш.
"Свет кнігі без меж" - слоган, які дзейнічае на ўсіх пляцоўках. Але калі ў ходзе выстаўкі мы арганізуем традыцыйны сімпозіум, то задаём і яго тэматыку, якая фактычна вызначае тэматыку кніжнай выстаўкі-кірмашу. Слоган "Дыялогавы свет будучыні" мы падаём як асноўную тэму для абмеркавання пытанняў, што хвалююць не толькі пісьменнікаў і людзей, якія сёння вырабляюць і распаўсюджваюць кнігі, але і тых, хто ў прынцыпе звязаны з паняццем чытання кніг", - адзначыў Ігар Бузоўскі.
На Нацыянальным стэндзе, які ў гэтым годзе будзе сімвалізаваць плошчу Перамогі горада Мінска, госці выстаўкі-кірмашу змогуць убачыць экспазіцыю кніг, прысвечаную Вялікай Айчыннай вайне і 80-годдзю вызвалення Беларусі ад нямецка-фашысцкіх захопнікаў, экспазіцыю Нацыянальнай бібліятэкі "Да родных берагоў", куды ўвойдуць мастацкія, публіцыстычныя і агітацыйныя творы 1941-1944 гадоў, экспазіцыю Прэзідэнцкай бібліятэкі Беларусі, дзе будуць прадстаўлены рэдкія кнігі, прысвечаныя гераічнай барацьбе савецкага народа з нямецка-фашысцкімі захопнікамі, і экспазіцыю "Беларусь непераможная", якая прадстаўляе храналогію фатаграфій гарадоў краіны ў даваенны, ваенны і пасляваенны перыяды.
У гэтым годзе цэнтральным экспанентам "Міжнароднага квартала" стане Ісламская Рэспубліка Іран. "Развіццё кніжнай сферы на міжнародным узроўні ідзе дастаткова шырока, а 500 кніг, якія плануюць прэзентаваць на стэндзе цэнтральнага экспанента, будуць распаўсюджваць і прадаваць нашы выдавецтвы", - падкрэсліў Ігар Бузоўскі.
версія для друку
зрабіць стартавай
дабавіць у выбранае