Падзеі, факты, анонсы

Вікторыя Азаранка выйшла ў 1/16 фіналу Уімблдонскага турніру

Фота pixabay.com

6 ліпеня, Мінск /Кар. БЕЛТА/. Беларуская тэнісістка Вікторыя Азаранка (20-ы нумар сусветнага рэйтынгу) выйшла ў 1/16 фіналу Уімблдона, паведамляе карэспандэнт БЕЛТА.

Сёння экс-першая ракетка свету абыграла прадстаўніцу Аргенціны Надзю Падарошка (80) - 6:3, 6:0. У першым крузе Азаранка выйграла ў кітаянкі Юэ Юань (106), а ў 1/16 фіналу сустрэнецца з расійскай тэнісісткай Дар'яй Касаткінай (10).

Учора Аляксандра Сасновіч (69) у матчы 1/64 фіналу з іспанкай Нурыяй Парызас Дыяс (105) выйграла першую партыю з лікам 6:2, а сёння перамагла і ў другім сэце - 6:1.

Арына Сабаленка (2) у першым раўндзе абыграла венгерку Панну Удвардзі (82) і ў 1/32 фіналу сустрэнецца з прадстаўніцай Францыі Варварай Грачовай (41).

У мужчынскім адзіночным разрадзе беларус Ілья Івашка (102) прабіўся ў другі круг, перамогшы аргенцінца Федэрыка Корыя (104) - 4:6, 6:4, 6:3, 6:0. Сёння сапернікам Івашкі будзе балгарскі тэнісіст Грыгар Дзімітраў (24).

версія для друку

зрабіць стартавай

дабавіць у выбранае