Падзеі, факты, анонсы

У Беларусі пройдзе 620 навагодніх кірмашоў

Фота з архiва

27 снежня, Мінск /Кар. БЕЛТА/. У Беларусі пройдзе каля 620 навагодніх кірмашоў. Аб гэтым расказала намеснік начальніка аддзела метадалогіі ўпраўлення арганізацыі гандлю і грамадскага харчавання МАРГ Наталля Чараповіч у праекце БЕЛТА "Краіна гаворыць".

У Беларусі ў пераднавагодні перыяд таксама запланавана правядзенне больш як 950 ёлачных базараў.

"Калі гаварыць пра распрадажы, то іх колькасць будзе перасягаць 9,1 тыс., а па факце такіх мерапрыемстваў становіцца значна больш. Запланавана 934 рэкламныя акцыі, 141 рэкламная гульня, 359 дэгустацый прадукцыі", - падзялілася прадстаўнік МАРГ.

Начальнік галоўнага ўпраўлення гандлю і паслуг Брэсцкага абласнога выканаўчага камітэта Ларыса Пісецкая таксама расказала, што ў вобласці плануецца правесці больш за сто святочных кірмашоў, каля 700 распрадаж, будуць дэгустацыі, рэкламныя акцыі. З 17 снежня праводзяцца ёлачныя базары, якіх у вобласці 64. На іх рэалізуецца ўся неабходная навагодняя прадукцыя.

Акрамя гэтага, у перадсвяточныя і святочныя дні маляўніча аформлены фасады, вітрыны гандлёвых аб'ектаў, прадоўжаны рэжымы працы магазінаў, аб'ектаў грамадскага харчавання і бытавога абслугоўвання. Усяго больш за 150 аб'ектаў закранула гэта работа.

Паводле слоў старшыні праўлення Віцебскага абласнога спажывецкага таварыства Таццяны Назаравай, у Віцебскай вобласці адкрылася каля 200 ёлачных базараў, сярод іх у Віцебску - 15. "Прадаюць як жывыя елкі і хвоі, так і ў кадках, якія купляюць у асноўным у горадзе. Арыенціровачная цана елкі - ад Br12 да Br20. У вобласці плануецца прадаць каля 25 тыс. навагодніх прыгажунь", - сказала яна.

Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае