Падзеі, факты, анонсы

Тры беларускія тэнісісткі згуляюць на турніры ў Цынцынаці

Фота з архiва

14 жніўня, Мінск /Кар. БЕЛТА/. Тры беларускія тэнісісткі прымуць удзел у буйным турніры катэгорыі WTA-1000 у амерыканскім Цынцынаці з прызавым фондам $2,7 млн, паведамляе карэспандэнт БЕЛТА.

Першай у барацьбу ўступіць Аляксандра Сасновіч (74-ы нумар сусветнага рэйтынгу), якая прабілася ў асноўную сетку праз кваліфікацыю. У 1/32 фіналу яна сустрэнецца з кітайскай тэнісісткай Сінвэнь Жэн (24). Экс-першая ракетка свету Вікторыя Азаранка (18) у першым раўндзе згуляе з чэшкай Барбарай Крэйчыкавай (11). У 2013-м і 2020 гадах Азаранка выйгравала гэты турнір у адзіночным разрадзе, а ў 2010 годзе разам з расіянкай Марыяй Кірыленка стала пераможцай парнага разраду.

Другая ракетка планеты Арына Сабаленка пачне выступленне з другога раўнда, дзе яе саперніцай будзе пераможца матчу паміж польскай тэнісісткай Магдай Лінет (23) і прадстаўніцай ЗША Эн Лі (191).

Спаборніцтвы ў Цынцынаці завершацца 20 жніўня.

версія для друку

зрабіць стартавай

дабавіць у выбранае