Падзеі, факты, анонсы

Тэатральная пастаноўка і беларускія народныя танцы: у магілёўскай ратушы правядуць "Ноч музеяў"

Фота museumhm.by

19 мая, Магілёў /Кар. БЕЛТА/. Музей гісторыі Магілёва запрашае гараджан і гасцей горада на "Ноч музеяў". У гарадской ратушы і выставачнай зале 19 мая пройдзе мерапрыемства "Ключы ад мінулага". Аб гэтым БЕЛТА паведамілі ва ўстанове культуры.

У ратушы прадэманструюць тэатральную пастаноўку "Ключы ад мінулага", арганізуюць тэматычную пляцоўку "Традыцыйныя віды рамёстваў", таксама будзе працаваць інтэрактыў ад рыцарскага клуба "Ястражэмбец". Акрамя гэтага, гасцям будзе прапанавана наведаць экскурсіі па пастаянных экспазіцыях музея, арганізуюць танцавальныя майстар-класы, дзе навучаць танцаваць паланэз і беларускія народныя танцы. Лекцыі, віктарыны, квесты - усё рыхтуюць для гасцей "Ночы музеяў".

У гэты ж дзень у выставачнай зале па вул. Болдзіна, 1, адкрыецца персанальная выстава мастака Юрыя Мацэнкі. Запланаваны майстар-клас ад фатографа Ігара Багамазава, пройдзе тэатральная пастаноўка "Лятаючае мышаня". Акрамя гэтага, гасцям абяцаюць музыку, танцы, выступленне мімаў, роставых лялек і многае іншае.

Пачатак праграмы ў 18.00. У ратушу і выставачную залу ў гэты дзень будзе дзейнічаць адзіны білет.

версія для друку

зрабіць стартавай

дабавіць у выбранае