Падзеі, факты, анонсы

Рэканструкцыі бою Першай сусветнай і подзвігу міліцыянераў пакажуць 15 і 22 ліпеня на "Лініі Сталіна"

Фота з архiва

11 ліпеня, Мінск /Кар. БЕЛТА/. Ваенна-гістарычныя рэканструкцыі бою Першай сусветнай вайны і подзвігу міліцыянераў пакажуць 15 і 22 ліпеня на "Лініі Сталіна". Папярэдняя афіша мерапрыемстваў размешчана на сайце гісторыка-культурнага комплексу, паведамляе БЕЛТА.

Так, мерапрыемства, прысвечанае падзеям Першай сусветнай вайны, адбудзецца 15 ліпеня з 11.00 да 18.00. Будуць працаваць экскурсійныя і інтэрактыўныя зоны.

Рэканструкцыю бою Вялікай Айчыннай вайны, прысвечаную подзвігу мінскіх міліцыянераў у 1941 годзе, гледачы ўбачаць 22 ліпеня. Яе правядуць пры падтрымцы ГУУС Мінгарвыканкама. Арганізатары падрыхтавалі для наведвальнікаў забаўляльную праграму з мноствам актыўнасцей, якія ацэняць не толькі дарослыя, але і дзеці.

Кожны зможа паспрабаваць свае сілы ў гістарычнай віктарыне, стральбе з пнеўматыкі, зборцы - разборцы зброі і кіданні гранаты. Самыя актыўныя ўдзельнікі зоны ГПА будуць узнагароджаны памятнымі падарункамі.

Таксама запланаваны канцэрты, паказальныя выступленні спецыялістаў-кінолагаў.

версія для друку

зрабіць стартавай

дабавіць у выбранае