Падзеі, факты, анонсы

Кухні народаў свету, атракцыёны і канцэрты. Каля Палаца спорту 1-3 ліпеня будзе працаваць кірмаш

Фота з архiва

30 чэрвеня, Мінск /Кар. БЕЛТА/. Самы вялікі сталічны кірмаш у рамках святкавання Дня Незалежнасці будзе працаваць з 1 па 3 ліпеня на пляцоўцы каля Палаца спорту. Арганізатары абяцаюць парадаваць гасцей свята кухнямі народаў свету і канцэртнай праграмай, паведамляе БЕЛТА са спасылкай на Мінскі гарадскі выканаўчы камітэт.

У кірмашы паўдзельнічаюць каля 30 рамеснікаў з усёй рэспублікі. Акрамя традыцыйнай беларускай і рускай кухні будуць прадстаўлены стравы кітайскай, азербайджанскай, армянскай і грузінскай кухні.

 "У палатках будуць прадаваць шашлык і разнастайныя закускі на мангале, дранікі і бліны з начынкамі, бургеры і хот-догі, наварыстую юшку, салянку і асвяжаючы халаднік. Адметнай асаблівасцю стануць сапраўдныя кітайскія ласункі і снэкі", - расказалі ў мэрыі.

На кірмашы будзе дзейнічаць выстава-продаж вырабаў народных промыслаў. 1 і 2 ліпеня канцэртная праграма будзе арганізавана з 14.00 да 21.00, 3 ліпеня - з 12.00 да 23.00.

Мінчане і госці горада змогуць прадэгуставаць кандытарскія вырабы і ласункі беларускай вытворчасці.

Для дзяцей будзе працаваць парк атракцыёнаў з батутам, надзіманай горкай, каруселямі, дзіцячымі электра- і веламабілямі. Жадаючыя змогуць пастраляць у ціры. Атмасферу свята створаць касцюмаваныя выступленні музычных калектываў.

Кірмаш будзе працаваць 2 ліпеня з 14.00 да 21.30, 3 ліпеня з 10.00 да 23.00.

версія для друку

зрабіць стартавай

дабавіць у выбранае