Падзеі, факты, анонсы

Культурная сталіца Беларусі ў 2024 годзе пераедзе са Слуцка ў Бялынічы

Фота з архiва

12 снежня, Мінск /Кар. БЕЛТА/. Урачыстая перадача статусу культурнай сталіцы Беларусі адбудзецца ў Слуцку 15 снежня, а пераедзе яна ў Бялынічы Магілёўскай вобласці. Аб гэтым карэспандэнту БЕЛТА расказалі ў Мінскім абласным цэнтры народнай творчасці.

У 2022 годзе на званне культурнай сталіцы Беларусі прэтэндавала шэсць гарадоў - Баранавічы, Мазыр, Свіслач, Шчучын, Бялынічы і Слуцк. У выніку перамогу атрымаў праект прэзентацыі горада Слуцка. А ў 2023-м за статус пазмагаліся Камянец, Глыбокае, Мазыр, Свіслач і Бялынічы. На гэты раз права звацца культурнай сталіцай у 2024 годзе атрымалі Бялынічы.

Цырымонія закрыцця акцыі пройдзе ў Слуцку 15 снежня. Пачнецца мерапрыемства калядным кірмашом, у час якога адбудзецца канцэртная праграма аматарскіх калектываў слуцкага рэгіёна. Затым гасцей запросяць у Слуцкі цэнтр культуры, дзе на першым і другім паверхах адкрыюцца выставачныя пляцоўкі дэкаратыўна-прыкладнога мастацтва. Цэнтральнай урачыстасцю стане сама цырымонія перадачы сімвала культурнай сталіцы кіраўніцтвам Слуцкага раёна Бялыніцкаму, у час якога пройдзе канцэрт з удзелам зорак беларускай эстрады.

Акцыя "Культурная сталіца Беларусі" праводзіцца па ініцыятыве Міністэрства культуры з 2010 года для актывізацыі супрацоўніцтва з мясцовымі органамі ўлады, мясцовых грамадскіх ініцыятыў, культурнага жыцця рэгіёна, падтрымкі нацыянальнай культуры і прыцягнення ўвагі грамадскасці, турыстаў да выдатных мясцін і традыцый таго ці іншага рэгіёна, самабытнасці гарадоў.

версія для друку

зрабіць стартавай

дабавіць у выбранае