Падзеі, факты, анонсы

Ягор Герасімаў выйшаў у асноўную сетку тэніснага турніру ў Шэньчжэні

16 кастрычніка, Мінск /Кар. БЕЛТА/. Беларускі тэнісіст Ягор Герасімаў выйшаў у асноўную сетку турніру ў кітайскім Шэньчжэні з прызавым фондам $80 тыс., паведамляе карэспандэнт БЕЛТА.

Сёння ў кваліфікацыі беларус абыграў у двух сэтах інданезійца Джасціна Баркі - 7:5, 6:1. На мінулым тыдні Ягор Герасімаў дабраўся да паўфіналу папярэдніх спаборніцтваў у Шэньчжэні, пасля чаго падняўся з 503-й на 397-ю пазіцыю ў сусветным рэйтынгу.

У 1/16 фіналу жаночага турніру ў туніскім Манастыры з прызавым фондам $259,3 тыс. беларуская тэнісістка Ірына Шымановіч (176-ы нумар рэйтынгу WTA) сустрэнецца сёння з бразільянкай Лаўрай Пігосі (120). У першым раўндзе парнага разраду Шымановіч і расіянка Алёна Фаміна-Клоц згуляюць з італьянскім тандэмам Сара Эрані / Ясмін Пааліні.

У стартавым паядынку турніру ў кітайскім горадзе Наньчан 17 кастрычніка саперніцай беларускі Аляксандры Сасновіч (90) будзе славачка Вікторыя Грунчакава (113). У 1/8 фіналу парнага разраду Сасновіч і расійская тэнісістка Каміла Рахімава сустрэнуцца з прадстаўніцай Грузіі Аксанай Калашнікавай і японкай Наа Хібіна. Беларуская тэнісістка Лідзія Марозава і полька Катажына Пітэр будуць сапернічаць з аўстралійска-нарвежскім дуэтам Кімберлі Бірэл / Ульрыке Эйкеры.

версія для друку

зрабіць стартавай

дабавіць у выбранае