Падзеі, факты, анонсы

Ягор Герасімаў выйшаў у асноўную сетку тэніснага турніру ў Кітаі

Фота pixabay.com

10 кастрычніка, Мінск /Кар. БЕЛТА/. Беларускі тэнісіст Ягор Герасімаў прабіўся ў асноўную сетку турніру ў кітайскім Шэньчжэні з прызавым фондам $139 тыс., паведамляе карэспандэнт БЕЛТА.

У сённяшнім матчы другога кваліфікацыйнага раўнда беларус, які займае 503-е месца ў сусветным рэйтынгу, перамог кітайскага тэнісіста Фацзін Суня, у якога 407-я пазіцыя, - 6:3, 6:4. У першым крузе Ягор Герасімаў аказаўся мацнейшы яшчэ за аднаго прадстаўніка Кітая - Ліньянг Сяа (780-ы нумар сусветнага рэйтынгу) - 6:4, 6:2.

Таксама сёння беларуска Вікторыя Азаранка (19) стартуе на жаночым турніры катэгорыі WTA-250 у Ганконгу з прызавым фондам $259,3 тыс. У 1/16 фіналу адзіночнага разраду яна згуляе з канадскай тэнісісткай Лейлай Фернандэс (60). Саперніцай Аляксандры Сасновіч (89) будзе бразільянка Беатрыс Хадад Мая (20). У парным разрадзе Сасновіч выступіць разам з прадстаўніцай Грузіі Аксанай Калашнікавай, а беларуска Лідзія Марозава будзе гуляць у тандэме з польскай тэнісісткай Катажынай Пітэр.

версія для друку

зрабіць стартавай

дабавіць у выбранае