Падзеі, факты, анонсы

БЕЛТА падрыхтавала серыю плакатаў "Беларусь памятае" да 75-годдзя Вялікай Перамогі

Плакат у Маладзечне

4 мая, Мінск /Кар. БЕЛТА/. Да 75-годдзя Вялікай Перамогі Беларускае тэлеграфнае агенцтва  падрыхтавала 11 плакатаў з серыі "Беларусь памятае". Яны выкарыстаны для стварэння білбордаў, якія размешчаны ва ўсіх абласных і раённых цэнтрах краіны.

У аснове плакатаў - архіўны фотаматэрыял Беларускага тэлеграфнага агенцтва, унікальныя кадры ваенных фотакарэспандэнтаў, якія сталі храністамі той вайны з першага і да апошняга, пераможнага дня. Плакаты - гэта яшчэ адна магчымасць данесці да кожнага памяць аб гераічнай Перамозе народа ў Вялікай Айчыннай вайне.

Размяшчэнне білбордаў будзе садзейнічаць захаванню гістарычнай памяці аб вайне, аб людзях, якія прымалі ўдзел у вызваленні Беларусі і Еўропы ад нямецка-фашысцкіх захопнікаў, а таксама патрыятычнаму выхаванню моладзі.

Усю серыю плакатаў можна паглядзець і спампаваць на сайце БЕЛТА http://www.belta.by/posters/.

версія для друку

зрабіць стартавай

дабавіць у выбранае