Падзеі, факты, анонсы

Беларусы заваявалі восем узнагарод на юніёрскім чэмпіянаце свету па хуткіх шахматах

Фота з архiва

12 чэрвеня, Мінск /Кар. БЕЛТА/. Беларускія шахматысты заваявалі 8 узнагарод на юніёрскім чэмпіянаце свету па рапідзе і бліцы, які праходзіў у грузінскім Батумі, паведамляе карэспандэнт БЕЛТА.

Адзінае золата ў скарбонку беларускай каманды паклала Настасся Севасцьянчук, якая выйграла турнір па бліцы ва ўзроставай катэгорыі да 10 гадоў. У гэтым відзе праграмы сярэбраныя медалі заваявалі беларусы Ксенія Норман (U-16), Ксенія Зелянкова (U-18) і Арцём Стрыбук (U-16). У рапідзе сярэбранымі прызёрамі сталі Ксенія Норман і Міхей Навуменка (U-16), бронзу вязуць дадому Максім Царук (U-18) і Дамір Булгак (U-10).

У спаборніцтвах прынялі ўдзел амаль 500 юных шахматыстаў з 36 краін свету.

версія для друку

зрабіць стартавай

дабавіць у выбранае