24 ліпеня, Мінск /Кар. БЕЛТА/. Два беларускія тэнісісты прабіліся ў асноўную сетку турніру серыі Challenger Tour у Астане з прызавым фондам $40 тыс., паведамляе карэспандэнт БЕЛТА.
Сёння ў другім раўндзе кваліфікацыі Аляксандр Згіроўскі, які займае 657-е месца ў сусветным рэйтынгу, адолеў у трохсэтавым паядынку прадстаўніка Эстоніі Данііла Глінку, у якога 755-я пазіцыя ў рэйтынгу АТР, - 6:7 (4:7), 6:2, 6:4. Ягор Герасімаў (897-ы нумар сусветнага рэйтынгу) таксама ў трохсэтавым матчы абыграў расіяніна Ілью Сімакіна (708) - 7:6 (7:4), 4:6, 7:5. Яшчэ адзін беларус Аляксандр Леаненка (1025) прайграў у вырашальным паядынку кваліфікацыі індыйскаму тэнісісту Карану Сінгху (753) - 3:6, 6:7 (2:7).
Турнір у казахстанскай сталіцы завершыцца 30 ліпеня.