Падзеі, факты, анонсы

Беларускія стралкі з пісталета выйгралі серабро каманднага першынства на II Гульнях краін СНД

9 жніўня, Мінск /Кар. БЕЛТА. У спартыўна-стралковым комплексе імя Цімашэнкі прадаўжаюцца спаборніцтвы па кулявой стральбе ў рамках II Гульняў краін СНД, паведамляе карэспандэнт БЕЛТА.

Праграму 9 жніўня прадоўжыла кваліфікацыя індывідуальнага турніру ў юніёраў у стральбе з малакалібернага пісталета, па выніках якой вызначыліся прызёры каманднага першынства. Беларусы Уладзімір Шолахаў, Павел Мураўёў і Мікіта Кавалёнак набралі ўтрох 1667 балаў і заваявалі серабро. Залатыя медалі з вынікам 1693 ачкі выйгралі расійскія стралкі, бронза дасталася спартсменам з Казахстана (1613).

Раней сёння золата каманднага турніру ў стральбе з малакалібернай вінтоўкі з трох палажэнняў заваявалі беларускі Дар'я Чупрыс, Лізавета Цыдзік і Ніколь Курылёнак, акрамя таго, Чупрыс паднялася на трэцюю прыступку п'едэстала па выніках індывідуальных спаборніцтваў.

версія для друку

зрабіць стартавай

дабавіць у выбранае