Падзеі, факты, анонсы

Беларускія спартсмены сталі лепшымі ў камандным медальным заліку гульняў "Дзеці Прымор'я"

Фота НАК Беларусі

5 ліпеня, Мінск /Кар. БЕЛТА/. Юныя беларускія спартсмены сталі лепшымі ў агульнакамандным медальным заліку І летніх гульняў "Дзеці Прымор'я", якія завяршыліся ва Уладзівастоку, паведамляе карэспандэнт БЕЛТА.

Па выніках спаборніцтваў у медальнай скарбонцы беларускай каманды 37 узнагарод - 20 залатых, 12 сярэбраных і 5 бронзавых медалёў. У сталіцы Прыморскага края Беларусь прадстаўлялі 32 атлеты ва ўзросце да 16 гадоў. Яны выступілі ў сямі відах спорту і ўсюды сталі ўладальнікамі ўзнагарод: лёгкая атлетыка - 13 медалёў (10, 3, 0), настольны тэніс - 8 (5, 3, 0), цяжкая атлетыка - 4 (2, 2, 0), спартыўная барацьба - 4 (2, 0, 2), баскетбол 3х3 - 1 (1, 0, 0), бокс - 4 (0, 3, 1), самба - 3 (0, 1, 2). На другой пазіцыі медальнага заліку каманда Уладзівастока - 37 (14, 10, 13), трэцяе месца занялі прадстаўнікі Усурыйска - 23 (7, 9, 7).

Усяго ў спаборніцтвах прынялі ўдзел каля 1500 юных атлетаў з Беларусі, Кітая і рэгіёнаў Расіі, якія разыгралі 84 камплекты ўзнагарод у 11 відах спорту.

версія для друку

зрабіць стартавай

дабавіць у выбранае