4 верасня, Мінск /Кар. БЕЛТА/. Беларускія пяціборцы Настасся Пракапенка і Ілья Палазкоў занялі трэцяе месца ў змешанай эстафеце на міжнародным турніры ў Маскве, "Кубак Крамля", паведамляе карэспандэнт БЕЛТА.
Перад заключным камбінаваным відам (крос і стральба) беларускі дуэт займаў дзявятае месца. Аднак удалае выступленне Настассі Пракапенка, якая ў бягучым сезоне выйграла дамашні чэмпіянат Еўропы і заваявала бронзавую ўзнагароду чэмпіянату свету, дала магчымасць камандзе значна скараціць адставанне. У выніку Ілья Палазкоў змог апярэдзіць спартсмена з Венгрыі, а па выніках выступлення беларусы набралі трэцюю суму балаў - 1421. Пераможцамі турніру сталі расіяне Аляксандр Лясун і Гульназ Губайдуліна - 1426 ачкоў. На другой пазіцыі размясціліся пяціборцы з Вялікабрытаніі Кейт Фрэнч і Джэймс Кук - 1423 бала.
Прызавы фонд міжнароднага турніру па сучасным пяцібор'і "Кубак Крамля" склаў у цяперашнім сезоне $100 тыс.
Яшчэ адзін медаль у беларускіх пяціборцаў па выніках мужчынскай эстафеты на юніёрскім чэмпіянаце Еўропы да 19 гадоў у Партугаліі. Мікіта Івароўскі і Аляксей Хурс занялі трэцяе месца - 1204. Перамаглі Балаж Сеп і Барнабаш Бурчык з Венгрыі - 1235 балаў.-0-