Падзеі, факты, анонсы

Беларускія лёгкаатлеты занялі другое месца ў змешанай эстафеце 4х200 м на ІІ Гульнях краін СНД

8 жніўня, Мінск /Кар. БЕЛТА/. На Нацыянальным алімпійскім стадыёне "Дынама" завяршыліся спаборніцтвы па лёгкай атлетыцы на ІІ Гульнях краін СНД, паведамляе карэспандэнт БЕЛТА.

Заключным відам бегавой праграмы на Гульнях стала змешаная эстафета 4х200 метраў - у склад кожнай каманды ўвайшлі па два юнакі і дзве дзяўчыны. Пераможцаў забегу ў выніку вызначыў фотафініш: прадстаўнікі зборных Беларусі і Расіі перасеклі рысу практычна адначасова, але расійскі бягун зрабіў гэта на долю секунды раней. Такім чынам, беларусы Ніка Пятроўская, Ганна Арлоўская, Багдан Зібраў і Кірыл Яшчук сталі сярэбранымі прызёрамі. Трэці вынік паказаў квартэт з Казахстана.

версія для друку

зрабіць стартавай

дабавіць у выбранае