22 лістапада, Мінск /Кар. БЕЛТА/. Беларускія дзіцячыя кардыяхірургі ва Узбекістане прааперыравалі 8 дзяцей вагой ад 4 да 9 кг са складанымі прыроджанымі парокамі сэрца, паведамляе БЕЛТА са спасылкай на прэс-службу Міністэрства аховы здароўя.
Майстар-класы ў абласным дзіцячым шматпрофільным цэнтры ў горадзе Фергана праводзіла кардыяхірургічная брыгада РНПЦ дзіцячай хірургіі на чале з галоўным пазаштатным дзіцячым кардыяхірургам Міністэрства аховы здароўя Канстанцінам Драздоўскім.
Цяпер ва Узбекістане праходзяць Дні аховы здароўя і медадукацыі Беларусі. Мерапрыемствы запланаваны ў два этапы. У час першага вядучыя спецыялісты Беларусі - урачы і вучоныя ў галіне дзіцячай онкагематалогіі, кардыялогіі, анкалогіі, неанаталогіі - праводзяць у рэгіёнах краіны высокатэхналагічныя аперацыі, майстар-класы, кансіліумы і семінары.
Між тым 27-29 лістапада ў Мінску пройдзе беларуска-ўзбекскі медыцынскі форум.