Падзеі, факты, анонсы

Беларуска Ірына Шымановіч паднялася на 60 пазіцый у рэйтынгу WTA

Фота з архiва

12 чэрвеня, Мінск /Кар. БЕЛТА/. Беларуска Ірына Шымановіч паднялася на 60 пазіцый у рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Перад стартам адкрытага чэмпіянату Францыі 25-гадовая мінчанка займала 214-е месца, а потым пасля дэбютнага выхаду ў асноўную сетку турніраў серыі "Вялікага шлема" і трапляння ў другі раўнд перамясцілася на 154-ы радок. Для Ірыны Шымановіч гэта пакуль лепшая пазіцыя ў сусветным рэйтынгу. Арына Сабаленка засталася другой ракеткай планеты, Вікторыя Азаранка займае 19-е месца, Аляксандра Сасновіч знаходзіцца на 71-м радку.

Топ-10 рэйтынгу WTA:

1. Іга Свёнтак (Польшча) - 8940 ачкоў;
2. Арына Сабаленка (Беларусь) - 8012;
3. Алена Рыбакіна (Казахстан) - 5090;
4. Каралін Гарсія (Францыя) - 5025;
5. Джэсіка Пегула (ЗША) - 4905;
6. Унс Джабір (Туніс) - 3961;
7. Коры Гаўф (ЗША) - 3435;
8. Марыя Сакары (Грэцыя) - 3272;
9. Петра Квітава (Чэхія) - 3102;
10. Беатрыс Хадад Мая (Бразілія) - 2910.

У рэйтынгу Асацыяцыі тэнісістаў-прафесіяналаў (АТР) зноў змяніўся лідар - на першы радок вярнуўся серб Новак Джокавіч, які выйграў у Парыжы свой 23-і тытул на спаборніцтвах серыі "Вялікага шлема". Фіналіст "Ралан Гарос" нарвежац Каспер Рууд застаўся на 4-й пазіцыі. Лепшы з беларускіх тэнісістаў Ілья Івашка займае 83-е месца.

Першая дзясятка рэйтынгу АТР:

1. Новак Джокавіч (Сербія) - 7595;
2. Карлас Алькарас (Іспанія) - 7175;
3. Данііл Мядзведзеў (Расія) - 6100;
4. Каспер Рууд (Нарвегія) - 4960;
5. Стэфанас Цыцыпас (Грэцыя) - 4920;
6. Хольгер Рунэ (Данія) - 4375;
7. Андрэй Рублёў (Расія) - 4000;
8. Тэйлар Фрыц (ЗША) - 3515;
9. Янік Сінер (Італія) - 3300;
10. Карэн Хачанаў (Расія) - 3125.

версія для друку

зрабіць стартавай

дабавіць у выбранае