Падзеі, факты, анонсы

Беларускі хакеіст Салаўёў набраў першы рэзультатыўны бал у НХЛ

Фота hockey.by

6 снежня, Мінск /Кар. БЕЛТА/. Беларускі абаронца "Калгары Флэймз" Ілья Салаўёў зарабіў першы рэзультатыўны бал у кар'еры ў Нацыянальнай хакейнай лізе, паведамляе карэспандэнт БЕЛТА.

У ноч на сераду "Калгары" прымаў "Мінесоту" - гэты матч стаў для Салаўёва трэцім у гэтым сезоне НХЛ. У пачатку заключнай 20-хвілінкі беларускі абаронца асісціраваў форварду Конару Зэры, аднак гэта шайба гаспадарам не дапамагла: "агеньчыкі" ўступілі з лікам 2:5. Усяго Ілья правёў на лёдзе 14 з паловай хвілін, нанёс 3 кідкі па варотах, прымяніў 1 сілавы прыём і завяршыў матч з паказчыкам карыснасці "0".

Таксама на лёд у складзе "Калгары" сёння выходзіў яшчэ адзін беларускі хакеіст клуба Ягор Шаранговіч. За 18 з паловай хвілін на пляцоўцы нападаючы выканаў тры кідкі ў створ варот, аднойчы выдаліўся, заблакіраваў адзін кідок саперніка і завяршыў сустрэчу з паказчыкам карыснасці "-1". Пасля 25 паядынкаў сезона ў актыве Шаранговіча 11 (5+6) рэзультатыўных балаў. "Флэймз" з 23 ачкамі займаюць дзясятае месца ў Заходняй канферэнцыі, наступную гульню "агеньчыкі" правядуць 8 снежня дома супраць "Караліны".

версія для друку

зрабіць стартавай

дабавіць у выбранае