Падзеі, факты, анонсы

Беларускі хакеіст Протас набраў два ачкі ў матчы НХЛ

Фота hockey.by

8 снежня, Мінск /Кар. БЕЛТА/. У ноч з чацвярга на пятніцу ў Нацыянальнай хакейнай лізе адбыліся 13 матчаў, у двух з якіх прынялі ўдзел беларускія ігракі, паведамляе карэспандэнт БЕЛТА.

"Вашынгтон", за які выступае Аляксей Протас, сёння прымаў "Далас". Беларускі нападаючы сталічнага клуба адкрыў лік на 8-й мінуце сустрэчы, а ў сярэдзіне другога перыяду аддаў галявы пас Яўгену Кузняцову, які зрабіў лічбы на табло 3:1 на карысць "Кэпіталз". Аднак два ачкі віцябчаніна "Вашынгтону" не дапамаглі, матч закончыўся перамогай "Даласа" ў серыі булітаў (5:4). Усяго Аляксей правёў на лёдзе больш за 15 з палавінай мінут, нанёсшы тры кідкі па варотах і закончыў сустрэчу з паказчыкам карыснасці "+1". У гэтым сезоне ў Протаса ўжо 11 выніковых балаў (3+8) у 22 матчах.

Акрамя таго, раніцай пятніцы чарговую гульню за "Калгары" правёў наш Ягор Шаранговіч, які адыграў важную ролю ў выніку сустрэчы "агеньчыкаў" з "Каралінай". За восем мінут да фінальнай сірэны беларус асісціраваў Блэйку Коўлману, які вывеў "Флэймз" наперад 3:2 - гэты гол у выніку стаў пераможным. Шаранговіч адгуляў на пляцоўцы больш за ўсіх нападаючых сярод сваёй каманды (21,5 мінуты) і завяршыў гульню з паказчыкам карыснасці "+1". У 26 матчах рэгулярнага чэмпіянату ў актыве Ягора 12 (5+7) набраных ачкоў.

версія для друку

зрабіць стартавай

дабавіць у выбранае