9 жніўня, Мінск /Кар. БЕЛТА/. У гродзенскім Лядовым палацы сёння завяршаецца турнір па цяжкай атлетыцы ў праграме ІІ Гульняў краін СНД, паведамляе карэспандэнт БЕЛТА.
У першым відзе праграмы - спаборніцтвах мужчын у вагавой катэгорыі 102 кг - беларус Яўген Ціханцоў стаў сярэбраным прызёрам. У суме дваябор'я чэмпіён свету і Еўропы набраў 391 кг (рывок - 176 кг, штуршок - 215 кг). Ціханцоў уступіў усяго адзін кілаграм пераможцу расіяніну Георгію Купцову - 392 кг (175+217).
Яшчэ адзін беларускі спартсмен Сяргей Шаранкоў заваяваў бронзавы медаль - 366 кг (171+195).