Падзеі, факты, анонсы

Беларускі тэнар Іосіф Нікіценка заваяваў першую прэмію міжнароднага опернага конкурсу імя Шаляпіна

Іосіф Нікіценка. Фота golk.by

19 кастрычніка, Масква /Эдуард Півавар - БЕЛТА/. Малады беларускі тэнар Іосіф Нікіценка заваяваў першую прэмію Першага міжнароднага конкурсу маладых оперных выканаўцаў імя Фёдара Шаляпіна, які адбыўся ў Санкт-Пецярбургу, паведамілі БЕЛТА арганізатары гэтага творчага спаборніцтва.

Старшыня журы саліст Марыінскага тэатра, заслужаны артыст Расіі Ільдар Абдразакаў уручыў Іосіфу Нікіценку яшчэ і свой прыз, запрасіўшы прыняць удзел у сёмым фестывалі Ільдара Абдразакава па розных горадах Расіі.

Гран-пры конкурсу заваяваў 30-гадовы барытон з Расіі Ігар Падаплелаў.

Новы музычны агляд праходзіў у Санкт-Пецярбургу з 14 па 18 кастрычніка пад знакам 150-годдзя з дня нараджэння сусветна знакамітага рускага баса. Усяго ў адрас конкурсу паступіла 213 заявак ад спевакоў з 13 краін Еўропы і Азіі, з якіх да першага тура былі дапушчаны 36 артыстаў ва ўзросце ад 18 да 36 гадоў. Арганізатарамі выступілі Музычны тэатр імя Фёдара Шаляпіна, Дзяржаўны музей тэатральнага і музычнага мастацтва пры падтрымцы Камітэта па культуры Санкт-Пецярбурга і Прэзідэнцкага фонду культурных ініцыятыў.

версія для друку

зрабіць стартавай

дабавіць у выбранае